AI-Powered TB Diagnosis: क्षयरोग रुग्णांच्या शोधासाठी आता वापरली जाणार कृत्रिम बुद्धीमत्ता; तीन मिनिटांत येणार चाचणी अहवाल

Great Initiative By Mumabi Municipal Corporation To Curb TB: मुंबई महापालिका क्षेत्रात क्षयरोग रुग्णांचा शोध घेण्यासाठी कृत्रिम बुद्धिमत्ता म्हणजेच एआय (आर्टिफिशियल इंटेलिजेंस) वापर केला जाणार आहे. .कृत्रिम बुद्धिमत्तेवर आधारित हॅण्डहेल्ड एक्स रे उपकरणाचा वापर क्षयरोग रुग्णांचा शोध घेण्यासाठी करण्यात येईल. त्यामुळे रुग्णांचा एक्स रे काढण्यासाठीचा वेळ वाचेल. तसेच घरोघरी या उपकरणाच्या माध्यमातून तपासणी करणे शक्य होईल. मुंबई महापालिका क्षेत्रात सार्वजनिक आरोग्य यंत्रणेसाठी एकूण २४ उपकरणे उपलब्ध झाली आहेत. यापैकी तीन विभागांत उपकरणांचा वापर पथदर्शी तत्त्वावर सुरू करण्यात आला आहे. कृत्रिम बुद्धिमत्तेवर आधारित या उपकरणामुळे अवघ्या तीन मिनिटांमध्ये रुग्णाचा चाचणी अहवाल उपलब्ध होणे शक्य होणार आहे..World Tuberculosis Day 2025: दोन आठवड्यांहून अधिक खोकला आहे? क्षयरोगाची तपासणी का आवश्यक आहे?.मुंबईत आजही क्षयरोगाचा विळखा कायम आहे. रुग्णसंख्या कमी व्हावी, यासाठी प्रयत्न केले जात असून, मुंबई महापालिका पहिल्यांदाच अशा प्रकारचा प्रकल्प राबवत आहे. केंद्रीय क्षयरोग विभाग आणि राज्य सरकारच्या सूचनेनुसार महापालिकेच्या विभागांमध्ये ७ डिसेंबर २०२४ ते २४ मार्च २०२५ पर्यंत १०० दिवसांची मोहीम राबवण्यात आली..या मोहिमेचा उद्देश क्षयरोगाच्या रुग्णांचा शोध घेण्याचा वेग वाढवणे, क्षयरोगामुळे होणाऱ्या मृत्यूदरात घट करणे आणि नवीन रुग्ण टाळण्यासाठी क्षयरोगाचा प्रसार रोखणे हे आहे. मोहिमेअंतर्गत १५ लाखांहून अधिक उच्च जोखमींच्या व्यक्तींचे सर्वेक्षण करण्यात आले असून, त्यामुळे संभाव्य रुग्णांसाठी तपासणी केली जात आहे. तसेच ६१ हजार नॅट चाचण्या करण्यात आल्या असून, निदानासाठी मोबाईल एक्स-रे व्हॅन तैनात करण्यात आल्या आहेत..World Tuberculosis Day 2025: औषध प्रतिरोधक क्षयरोगावर यशस्वी उपचार! रुग्ण बरे होण्याचे प्रमाण वाढले.पथदर्शी प्रकल्पकृत्रिम बुद्धिमत्तेवर आधारित हॅण्डहेल्ड एक्स-रे मशीनमुळे क्षयरोग रुग्णांपर्यंत घरोघरी अशा पद्धतीने सहजरित्या पोहोचणे शक्य होणार आहे. परिणामी शोधमोहिमेत चाचणी पूर्ण करण्यासोबत निदान होणे शक्य होईल. तसेच रुग्णांचाही केंद्रांपर्यंत पोहोचून चाचणी आणि निदान करण्यासाठीचा वेळ वाचणे शक्य होणार आहे. कृत्रिम बुद्धिमत्तेवर आधारित उपकरणामुळे रुग्णाला क्षयरोग चाचणीचा अहवाल तत्काळ अशा पद्धतीने अवघ्या तीन मिनिटांमध्ये उपलब्ध होणार आहे, अशी माहिती पालिकेच्या एका वरिष्ठ अधिकाऱ्यांनी दिली. या उपकरणामुळे सर्वसाधारण रुग्णांमध्ये न मिसळता क्षयरोग निदान झालेल्या रुग्णांना स्वतंत्रपणे चाचणी करणे शक्य होईल..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

AI-Powered TB Diagnosis: क्षयरोग रुग्णांच्या शोधासाठी आता वापरली जाणार कृत्रिम बुद्धीमत्ता; तीन मिनिटांत येणार चाचणी अहवाल

Related Stories