आरोग्याचे ‘बाळ’कडू : मुलांमधील स्वमग्नता

डॉ. संजय जानवळे, बालरोगतज्ज्ञ

ऑटिझम ही एक डेव्हलपमेंटल डिसॉर्डर असून या समस्येने ग्रासलेल्या मुलांना इतरांशी संवाद साधता येत नाही. त्यांच्यात वर्तन समस्या असतात. एखादी गोष्ट वारंवार करणे, विशिष्ट हातवारे करणे आणि स्वतःच्या विश्वात मग्न असणे, ही काही ऑटिझमची लक्षणे आहेत. हा विकार नेमका कशामुळे होतो, हे अद्याप स्पष्ट झालेले नाही. ऑटिझम ही वर्तणुकीची अवघड समस्या असली, तरी अलीकडे उपचारात झालेली प्रगती दिलासादायक आहे.