जीवनमान-जीवनभान : संजीवनी देणारी ‘सीपीआर’ पद्धत

डॉ. प्राजक्ता सहस्रबुद्धे (पीटी), प्राध्यापक आणि सल्लागार, कार्डिओव्हॅस्क्युलर अँड रेस्पिरेटरी फिजिओथेरपी

काही दिवसांपूर्वी घडलेली एक घटना माझ्या मनावर खोलवर परिणाम करून गेली. आमच्या ओळखीतील एका गृहस्थांना बाजारात गेले असताना अचानक कार्डियाक अरेस्ट आला. त्यांना तातडीने जवळच्या रुग्णालयात हलवण्यात आले; परंतु तोपर्यंत खूप उशीर झाला होता. कमी-अधिक फरकाने अशा घटना तुम्हीही ऐकल्या असतील, वाईटही वाटले असेल आणि काही दिवसांनी त्या विस्मरणातही गेल्या असतील.