World Cancer Day 2023 : प्रामुख्याने स्त्रियांमध्ये होणारे कॅन्सरचे प्रकार कोणते ?

Cancer In Women: आज वर्ल्ड कॅन्सर डे आहे.कॅन्सरविषयी जनजागृती करण्यासाठी वर्ल्ड कॅन्सर दिवस साजरा केला जातो. जगात होणाऱ्या प्रत्येकी 6 मृत्यूपैकी किमान 1 मृत्यू हा कॅन्सर अर्थात कर्करोग या आजाराने होतो. याच कारणामुळे जगभर कॅन्सर जनजागृती मोहीम राबविण्यात येत आहे. 

कर्करोग हा जीवघेणा आजार आहे हे आपल्याला माहिती आहे.अगदी सुरुवातीच्या स्टेजमध्येच कॅन्सरचं निदान झालं नाही, तर रुग्णाचा जीव वाचवणं अवघड असतं.अनेकदा महिला कौटुंबिक जबाबदाऱ्यांमुळे कॅन्सरच्या लक्षणांकडे दुर्लक्ष करतात. भारतात महिलांना होणाऱ्या कॅन्सरचं प्रमाण सध्या वाढताना दिसून येत आहे. आजच्या लेखात आपण प्रामुख्याने स्त्रियांमध्ये होणारे कॅन्सरचे प्रकार कोणते आहे याची सविस्तर माहिती पाहणार आहोत.

1) स्तनाचा कर्करोग हा स्त्रियांमध्ये होणारा सर्वात सामान्य कर्करोग आहे. यावर योग्य वेळी उपचार न केल्यास मृत्यूही होऊ शकतो.

2) गर्भाशय मुखाचा कर्करोग ह्यूमन पेपिलोमा या विषाणूच्या संक्रमणाने हा कर्करोग होतो.

3) कमी वयात तसेच जास्त पुरूषांशी संबंध ठेवणाऱ्या स्त्रियांना हा कर्करोग होण्याची शक्यता असते.

4) अंडाशयाचा कर्करोग हा बहुतांशवेळा चाळिशीनंतर वा रजोनिवृत्तीनंतर होतो. 

5) वल्वर (योनीमार्गातील) कर्करोग - महिलांच्या गुप्तांगाच्या बाहेरील भागात वल्वर कर्करोग होतो.हे प्रामुख्याने मूत्रमार्ग आणि योनीच्या पृष्ठभागावर स्थित आहे. त्याला वेस्टिब्यूल देखील म्हणतात.

6) युरिनरी कॅन्सर वारंवार लघवीला होणे, लघवीला साफ न होणे किंवा मूत्राशयाच्या कार्यात बिघाड निर्माण होणे ही कॅन्सरची लक्षणे असू शकतात. 

7) तोंडाचा कर्करोग म्हणजे तोंडातील ऊतींची असामान्य वाढ जी कर्करोगात बदलते.

 8) फुफ्फुसांचा कॅन्सर या कॅन्सरचे प्रामुख्याने दोन प्रकार आहेत. यात नॉन-स्मॉल सेल लंग कॅन्सर आणि स्मॉल सेल लंग कॅन्सरचा समावेश होतो