World Lung Cancer Day: धूम्रपान म्हणजे फुफ्फुसाच्या कर्करोगाला निमंत्रण; प्रत्येक आठव्या मिनिटाला एका रुग्णाची भर

नागपूर : सिगारेट, तंबाखूजन्य पदार्थांचे सेवन आणि हुक्का यामुळे फुफ्फुसाच्या कर्करोगाचा विळखा अधिक घट्ट होतो आहे. भारतात एकूण कर्करोगांपैकी सुमारे ६ टक्के रुग्ण फुफ्फुसाच्या कर्करोगाचे असतात. .काही प्रादेशिक आकडेवारीनुसार, ७० टक्केहून अधिक रुग्णांमध्ये उशिरा निदान होते. विशेष लक्षात घेण्यासारखी बाब अशी की, प्रत्येक ५ रुग्णांपैकी १ रुग्ण धूम्रपान न करणारा असतो, ही चिंता वाढविणारी बाब आहे. दर आठव्या मिनिटांत एकाला फुफ्फुसाचा कॅन्सर विळख्यात घेतो तर ९० टक्के फुफ्फुसाचा कॅन्सर हा धूम्रपानामुळेच होत असल्याचे अभ्यासातून स्पष्ट झाले आहे..प्रत्येक वर्षी १ ऑगस्ट हा दिवस जागतिक फुप्फुसाचा कर्करोग दिन म्हणून पाळला जातो. भारतीय वैद्यकीय संशोधन परिषद आणि नॅशनल कॅन्सर रजिस्ट्री प्रोग्रामनुसार, फुप्फुसाचा कर्करोग देशातील पाच प्रमुख कर्करोगांपैकी एक असून, दिल्ली, कोलकाता आणि मुंबईसारख्या महानगरांमध्ये पुरुषांमध्ये सर्वाधिक आढळणारा कर्करोग आहे. त्यात आता नागपूरचाही समावेश होण्याची भीती आहे. फुफ्फुसांचा कॅन्सर हरियाणा, दिल्ली, चेन्नई या राज्यांमध्ये वेगाने वाढत असतानाच महाराष्ट्र पहिल्या पाच क्रमांकाच्या पंक्तीत जाऊन बसत आहे..फुफ्फुसाच्या कर्करोगास कारणीभूत बाबीआनुवंशिकतावाढते प्रदूषणप्रदूषित हवेचा सततचा सहवासदीर्घकालीन फुफ्फुसांचे विकार.लक्षणेदीर्घकाळ खोकलाछातीत कफ असणेखोकल्याद्वारे, थुंकीद्वारे रक्त जाणेश्वास घेताना त्रास होणेचेहरा व आवाजात बदल होणे.रोगप्रतिकार शक्ती कमी झाल्याने उद्भवणाऱ्या समस्याफुफ्फुसाचा संसर्गन्यूमोनियादीर्घकाळ ताप असणेअशक्तपणावजन कमी होणे.Nagpur News: बोगस शालार्थ आयडी घोटाळा; आणखी तीन शिक्षक अटकेत, सायबर पोलिसांची धडक कारवाई सुरूच.अलीकडे फॅशन म्हणून धूम्रपान करण्याचे प्रमाण वाढले आहे. तंबाखूजन्य पदार्थांच्या सेवनाने फुफ्फुसाच्या कॅन्सर होण्याची शक्यता सर्वाधिक असल्याने तातडीने धूम्रपानाचे व्यसन टाळावे. यात पूर्वनिदान आवश्यक आहे. इबस ब्रॉन्कोस्कोपी प्रक्रियेद्वारे पूर्वनिदान आणि स्टेज माहिती करून घेणे शक्य आहे. योग्य उपचारांतून कॅन्सर बरा होऊ शकतो.-डॉ. अशोक अरबट, ज्येष्ठ श्वसनविकार तज्ज्ञ, नागपूर.लक्षणांची लवकर ओळख, धूम्रपान करणाऱ्यांना सवय सोडण्यास प्रवृत्त करणे आणि उच्च जोखमीच्या व्यक्तींनी वेळेवर स्क्रिनिंग करून घेणे अत्यंत गरजेचे आहे. उपलब्ध आधुनिक उपचार, टारर्गेटेड औषधे, इम्युनोथेरपी किंवा कीमोथेरपीमुळे रुग्णांचे जीवनमान व आयुष्य वाढवणे शक्य झाले आहे.-डॉ. कपिल राऊत, कन्सल्टंट मेडिकल ऑन्कोलॉजिस्ट, नागपूर..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.