Yoga Tips : उच्च रक्तदाबामुळे त्रस्त आहात? मग, दररोज ‘या’ योगासनांचा करा सराव

Yoga Tips : नियमित योगासनांचा सराव केल्याने तुम्ही उच्च रक्तदाबाची समस्या नियंत्रित करू शकता.
Yoga Tips
Yoga Tipsesakal

Yoga Tips : मागील काही वर्षांमध्ये उच्च रक्तदाबाच्या रूग्णांची संख्या मोठ्या प्रमाणात वाढली आहे. उच्च रक्तदाब किंवा हाय ब्लडप्रेशर होण्यामागे अनेक कारणे असू शकतात. जसे की, तणाव, किडनीचे आजार, हृदयाच्या समस्या आणि काही वेळा अनुवांशिक  आजार देखील यामागे असू शकतात. सध्याची बिघडलेली जीवनशैली, व्यायामाचा अभाव आणि खाण्यापिण्याच्या चुकीच्या सवयी देखील यामागचे प्रमुख कारण असू शकते.

उच्च रक्तदाबाची ही समस्या केवळ औषधोपचारांनी बरी होते, असे नाही तर त्यासोबत आहारातील पथ्ये आणि योगाची मदत घ्यावी लागेल. नियमित योगा केल्याने तुम्ही उच्च रक्तदाबाची समस्या नियंत्रित करू शकता.

शरीर तंदूरूस्त ठेवण्यासाठी आणि हृदयविकाराचा धोका कमी करण्यासाठी नियमित योगासनांचा सराव करणे फायदेशीर आहे. उच्च रक्तदाबाची समस्या कमी करणारी कोणती योगासने आहेत? चला तर मग जाणून घेऊयात.

Yoga Tips
Yoga For Arthritis : सांधेदुखीपासून आराम मिळवण्यासाठी दररोज करा ‘ही’ योगासने, जाणून घ्या सरावाची सोपी पद्धत

बालासन

बालासन या योगासनाला ‘चाईल्ड पोझ’ असे ही म्हटले जाते. हे योगासन आरोग्यासाठी अतिशय फायदेशीर आहे. बालासनाचा नियमितपणे सराव केल्याने उच्च रक्तदाबाची समस्या कमी करण्यास मदत होते. हे योगासन केल्याने तणाव कमी होतो आणि संपूर्ण शरीरातील रक्ताभिसरणाची प्रक्रिया सुधारते.

दररोज या योगासनाचा सराव केल्याने मान आणि खांद्यातील ताण कमी होतो आणि स्नायू मजबूत होतात. उच्च रक्तदाबाची समस्या टाळण्यासाठी दररोज बालासनाचा सराव करा.

सूखासन

सूखासन हे योगासन आपल्या शारिरीक अन् मानसिक आरोग्यासाठी फायदेशीर मानले जाते. नियमितपणे या योगासनाचा सराव केल्याने श्वासोच्छवासावर नियंत्रण ठेवता येते. मानसिक शांती वाढवून तणाव कमी करण्यासाठी देखील हे योगासन उपयुक्त मानले जाते. ज्यामुळे, उच्च रक्तदाबापासून आराम मिळू शकतो.

एवढेच नव्हे तर या योगासनाचा नियमितपणे सराव केल्याने पाठदुखी आणि मानदुखीची समस्या कमी होण्यास मदत होते. त्यामुळे, विविध आजारांसाठी आणि उच्च रक्तादाबासाठी उपयुक्त असणाऱ्या या योगासनाचा दररोज सराव करा.

Yoga Tips
Yoga Tips : ताण-तणाव कमी करण्यासाठी उपयुक्त आहेत ‘ही’ योगासने, दररोज फक्त १० मिनिटे करा सराव

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com