भविष्य

मेष:
शासकीय कामे मार्गी लावू शकाल. अनपेक्षितरीत्या प्रॉपर्टीच्या व गुंतवणुकीच्या संदर्भातील काही प्रस्ताव समोर येतील.
वृषभ:
जिद्द व चिकाटीच्या जोरावर महत्त्वाच्या कामांमध्ये यश मिळवाल. नोकरीमध्ये तुम्ही केलेल्या कामाचे चीज होईल.
मिथुन:
प्रवासामध्ये काळजी घ्यावी. लांबचे प्रवास टाळावेत. काहींचा मनोरंजनाकडे कल राहील. प्रॉपर्टीची कामे मार्गी लावू शकाल.
कर्क:
वैवाहिक जीवनात सुसंवाद साधाल. महत्त्वाची शासकीय कामे मार्गी लावू शकाल. आत्मविश्‍वास वाढविणारी एखादी घटना घडेल.
सिंह:
काहींना कामाचा ताण व दगदग जाणवेल. नको त्या कारणांसाठी वेळ व पैसा खर्च होणार नाही याची काळजी घ्यावी.
कन्या:
संततिसौख्य लाभेल. मुलांना त्यांच्या कार्यक्षेत्रात यश लाभेल. व्यवसायात नवीन हितसंबंध निर्माण करू शकाल. अनेकांचे सहकार्य लाभेल. आर्थिक लाभाचे प्रमाण वाढेल.
तूळ:
महत्त्वाची प्रॉपर्टीची कामे मार्गी लावू शकाल. व्यवसायातील कामकाजाकडे लक्ष राहील. आरोग्य चांगले राहणार आहे. काहींना त्यांच्या कार्यक्षेत्रात सुसंधी व प्रसिद्धी लाभेल.
वृश्चिक:
महत्त्वाची शासकीय कामे मार्गी लागतील. मनोबल वाढविणारी एखादी घटना घडेल. घरात चैतन्यमय वातावरण राहील.
धनु:
वैवाहिक जीवनात कटकटी वाढणार नाहीत याची काळजी घ्यावी. वादविवादाने कोणतेही प्रश्‍न सुटणार नाहीत. काहींना कामाचा ताण जाणवेल.
मकर:
विरोधकावर मात कराल. मित्रमैत्रिणींचे अपेक्षित सहकार्य लाभणार आहे. आर्थिक क्षेत्रात समाधानकारक वातावरण राहणार आहे.
कुंभ:
काहींना एखादी महत्त्वाची वार्ता समजण्याची शक्‍यता आहे. खर्चाचे प्रमाण वाढण्याची शक्‍यता आहे. नातेवाइकांसाठी खर्च कराल.
मीन:
अडचणीवर मात करण्यासाठी मानसिक स्थिती मजबूत राहील. परंतु व्यवसायातील महत्त्वाचे निर्णय विचारपूर्वक घ्यावेत.
रविवार, जुलै 14, 2019 ते शनिवार, जुलै 20, 2019
मेष:
परिचयोत्तर विवाहाची संधी भरणी नक्षत्राच्या व्यक्तींना या सप्ताहात उत्तम फॉर्म गवसेल. परिचयोत्तर विवाहाची संधी. सप्ताहाच्या सुरवातीला शुक्रभ्रमणाचं एक पॅकेज अस्तित्वात राहील. घरातल्या तरुणांना नोकरी मिळेल. बुधवारी जीवनातलं एखादं ग्रहण सुटेल. कृत्तिका नक्षत्राच्या व्यक्तींना ग्रहणाच्या आसपासच्या काळात दुखापतीची शक्‍यता.
वृषभ:
नोकरीत प्रसन्नतेचा काळ मृग नक्षत्राच्या व्यक्तींना ता. 16 व 17 हे चंद्रग्रहणाचं प्रभावक्षेत्र संमिश्र स्वरूपाचं. विचित्र गाठी-भेटी घडतील. एखादी स्त्रीचिंता सतावण्याची शक्‍यता. रोहिणी नक्षत्राच्या व्यक्तींसाठी शुक्रभ्रमणाचं एक पॅकेज रन होईल! नोकरीत प्रसन्नतेचा काळ. नोकरीतल्या नव्या जडणघडणीतून लाभ. ग्रहणाच्या आसपासच्या काळात कुत्र्यांपासून सावध राहा.
मिथुन:
नोकरीतली बदली टळेल अतिशय संमिश्र स्वरूपाचा सप्ताह राहील. पुनर्वसू नक्षत्राच्या व्यक्तींसाठी चंद्रग्रहणाचं प्रभावक्षेत्र नातेवाइकांशी विसंवादाचं. तरुणांच्या ठरलेल्या विवाहात अडचणी येण्याची शक्‍यता. बाकी, आर्द्रा नक्षत्राच्या व्यक्ती घरात लष्करशहा बनतील! नोकरीच्या ठिकाणी राजकारणात यशस्वी व्हाल, बदली टाळाल!
कर्क:
व्यवसायात तेजी राहील तुम्हाला चंद्रग्रहणाचा व्हायरस सतावणार आहे. असंगाशी संग नकोच. आश्‍लेषा नक्षत्राच्या व्यक्तींना नियतीचे ट्रॅप्स लावले जातील. जग जसं दिसतं तसं नसतंच! बाकी, आजचा रविवार उत्तमच. पुष्य नक्षत्राच्या व्यक्तींना समारंभांना जाण्याचा योग. कलाकारांना लाभदायक काळ. व्यवसायात तेजी राहील.
सिंह:
तरुणांना परदेशगमनाची संधी काहींना ता. 16 व 17 हे ग्रहणप्रभावक्षेत्र घबाडयोगासारखं! काहींना अनपेक्षित विवाहयोग. तरुणांना परदेशगमनाची संधी. पूर्वा नक्षत्राच्या व्यक्तींना सप्ताहात मोठं ग्लॅमर प्राप्त होईल. उत्तरा नक्षत्राच्या व्यक्तींना हा सप्ताह व्याधिग्रस्त करणारा. प्रकृती सांभाळावी. गर्भवतींनी ग्रहणकाळात काळजी घ्यावी.
कन्या:
परिस्थिती चिघळवू नका! हा सप्ताह अतिशय संवेदनशील राहील. शुक्रभ्रमणाचं पॅकेज तरुणांना मोठी साथ देईल. ता. 17 व 18 हे दिवस आत्यंतिक प्रवाही. हस्त नक्षत्राच्या व्यक्तींनी लाभ घ्यावा. चित्रा नक्षत्राच्या व्यक्तींना चंद्रग्रहणाच्या आसपासच्या काळात एखाद्या प्रखर घरगुती विरोधाला तोंड द्यावं लागेल. परिस्थितीला वेगळं वळण लागू देऊ नका!
तूळ:
मनाला लावून घेऊ नका हा सप्ताह अतिशय प्रवाही राहील. सरळमार्गी वागूनच लाभ घ्या. गृहिणीवर्ग घरगुती बाबींमुळे व्याकुळ होईल. विशिष्ट गोष्टी तेवढ्यापुरत्याच घडतील. त्या मनावर घेऊ नयेत. स्वाती नक्षत्राच्या व्यक्तींना या सप्ताहात अपवादात्मक परिस्थितीतून लाभ होईल. व्हिसा मिळेल. विशाखा नक्षत्राच्या व्यक्तींनी प्रकृतीची काळजी घ्यावी.
वृश्चिक:
गुंतवणुकी फलद्रूप होतील ता. 16 व 17 हे चंद्रग्रहणाचं प्रभावक्षेत्र संमिश्र स्वरूपाची फळं देणारं. व्यावसायिकांना लाभ. जुन्या गुंतवणुकी फलद्रूप होतील. अनुराधा नक्षत्राच्या व्यक्तींना पुत्रोत्कर्षातून धन्यतेचा अनुभव. ज्येष्ठा नक्षत्राच्या व्यक्तींच्या प्रिय वस्तूंचं चंद्रग्रहणाच्या आसपासच्या काळात नुकसान होण्याची शक्‍यता. चुटपुट लागून राहील.
धनु:
संसर्गापासून काळजी घ्या तुमची रास ही या सप्ताहातली ग्रहणग्रस्त रास राहील; परंतु "शुक्र तारा, मंद वारा' सुखावत राहील! पूर्वाषाढा नक्षत्राच्या व्यक्तींना ता. 16 जुलैची सकाळ वैयक्तिक सुवार्तांची. मूळ नक्षत्राच्या व्यक्तींना चंद्रग्रहण अन्न-पाण्यातल्या संसर्गाचं. उत्तराषाढा नक्षत्राच्या व्यक्तींना भ्रातृचिंता शक्‍य. पायाला दुखापतीची शक्‍यता.
मकर:
डासांपासून सावध राहा! या सप्ताहात "अँटिव्हायरस टॅब्लेट्‌स' घ्याच! काहींना ज्वरपीडेची शक्‍यता. धनिष्ठा नक्षत्राच्या व्यक्तींनी चंद्रग्रहणाच्या आसपासच्या काळात डासांपासून सावध राहावं. ता. 17 च्या संध्याकाळी श्रवण नक्षत्राच्या व्यक्तींची गुप्त चिंता दूर होईल. बाकी, आजचा रविवार एकूणच उत्तम.
कुंभ:
आध्यात्मिक संकेत मिळतील नेपच्यूनच्या योगातून धावणारं शुक्रभ्रमण तरुणांसाठी शैक्षणिक गोष्टींसंदर्भात उत्तमच. चंद्रग्रहणाच्या आसपास परदेशगमनाची संधी. शततारका नक्षत्राच्या व्यक्तींना चंद्रग्रहण घबाडयोगासारखं! संततीचा भाग्योदय. आध्यात्मिक संकेत मिळतील. पूर्वाभाद्रपदा नक्षत्राच्या व्यक्ती ग्रहणाच्या आसपासच्या काळात स्वतःला कोंडून घेतील, अर्थात विचित्र वागतील!
मीन:
आई-वडिलांशी सुसंवाद राखा या सप्ताहात चंद्रग्रहणाच्या आसपासच्या काळात विचित्र काल्पनिक भयभीतीचा पगडा तुमच्यावर राहू शकतो. रेवती नक्षत्राच्या तरुणांनी उगाच डोकं कुरतडत बसू नये. आई-वडिलांशी संवाद साधून राहा. बाकी, उत्तराभाद्रपदा नक्षत्राच्या व्यक्तींसाठी हा सप्ताह जीवनातली प्युअर सिक्वेन्स लावणारा. एखादी "अनुष्का' भेटेल, अर्थातच जीवनाच्या फ्लील्डवर!

ताज्या बातम्या