भविष्य

मेष:
तुमच्या व्यक्तिमत्त्वाचा प्रभाव पडेल. कर्तृत्वाला संधी मिळेल.
वृषभ:
एखादी भाग्यकारक घटना घडेल. हाती घेतली कामे मार्गी लागतील.
मिथुन:
मुलामुलींच्या संदर्भात काही समस्या निर्माण होण्याची शक्यता आहे.
कर्क:
जबाबदारी वाढेल. वरिष्ठांबरोबर मतभेदाची शक्यता आहे.आरोग्य चांगले राहील.
सिंह:
दिवस प्रतिकूल आहे. खर्च वाढणार आहेत.मानसिक त्रासाची शक्यता आहे.
कन्या:
अपेक्षित पत्र व्यवहार व गाठीभेटी होतील. व्यवसायाची उलाढाल वाढेल.
तूळ:
व्यवसायाकडे तुम्ही अधिक लक्ष द्याल. आरोग्य चांगले राहील.
वृश्चिक:
आत्मविश्‍वासाने कामे पार पाडाल. थोरामोठ्यांचे सहकार्य लाभेल.
धनु:
आरोग्य उत्तम राहील. वैवाहिक जीवनात मतभेदाची शक्यता आहे.
मकर:
महत्त्वाचे निर्णय पुढे ढकलावेत. मानसिक जबाबदारी वाढेल.
कुंभ:
काहींना हितशत्रूंचा त्रास होईल. शासकीय कामे पुढे ढकलावीत.
मीन:
आर्थिक लाभाचे प्रमाण वाढेल. तुमचे निर्णय व अंदाज अचूक ठरतील.
रविवार, ऑगस्ट 2, 2020 ते शनिवार, ऑगस्ट 8, 2020
मेष:
वास्तुविषयक व्यवहार होतील मेष : आजचा रविवारचा सूर्योदय चंद्र-गुरुयुती योगातून सप्ताहाचं एक उत्तम बजेट घोषित करेल! तरुणांनो, लाभ घ्या. कृतिका नक्षत्राच्या तरुणांना व्हिसा मिळेल. भरणी नक्षत्राच्या व्यक्तींना सोमवारची नारळीपौर्णिमा विभूषित करेल! घरात पुत्र-पौत्रांच्या सुवार्ता कळतील. वास्तुविषयक व्यवहार मार्गी लागतील. वाहन चालवताना मात्र काळजी घ्या.
वृषभ:
शैक्षणिक चिंता दूर होईल वृषभ : या सप्ताहात कृतिका नक्षत्राच्या व्यक्तींना कायदेशीर कटकटींना सामोरं जावं लागू शकतं. बाकी, शुक्रभ्रमणामुळे व्यावसायिकांचं लॉकडाउन संपेल. पौर्णिमेच्या आसपासच्या काळात रोहिणी नक्षत्राच्या तरुणांच्या शैक्षणिक चिंता दूर होतील. मात्र, कुसंगती धरू नका. प्रेमप्रकरणापासूनही दूरच राहा. मृग नक्षत्राच्या व्यक्तींना वास्तुयोग.
मिथुन:
परिचयोत्तर विवाहयोग मिथुन : पौर्णिमेच्या प्रभावक्षेत्रात राशीच्या शुक्रभ्रमणाचा एक सुंदर अध्याय सुरू होईल. मृग नक्षत्राच्या व्यक्तींना परिचयोत्तर विवाहयोग. ता. पाच व सहा हे दिवस अतिशय प्रवाही. आर्द्रा नक्षत्राच्या व्यक्तींनीसुद्धा लाभ घ्यावा. पुनर्वसू नक्षत्राच्या व्यक्तींना मोठ्या शैक्षणिक संधी. पौर्णिमेच्या आसपासच्या काळात कर्जफेड होईल. बँकेचं अर्थसाह्य मिळेल.
कर्क:
वास्तुविषयक प्रश्न सुटतील कर्क : या सप्ताहात ग्रहयोगांची रस्सीखेच सुरूच राहील. पौर्णिमेच्या आसपासच्या काळात पुष्य नक्षत्राच्या व्यक्तींची संकटं दूर होतील. वास्तुविषयक प्रश्न सुटतील. नोकरदारांनी बदलत्या परिस्थितीशी जुळवून घ्यावं. वरिष्ठांची मनं सांभाळावीत. आश्र्लेषा नक्षत्राच्या व्यक्तींना पौर्णिमेच्या आसपासचा काळ संमिश्र स्वरूपाचा. घरातील लहान मुलांची काळजी घ्या.
सिंह:
नोकरीत भाग्योदयाची चाहूल सिंह : मघा नक्षत्राच्या व्यक्तींना पौर्णिमेच्या आसपासचा काळ बुध-शनी प्रतियुतीतून विचित्र कायदेशीर कटकटींचा. सरकारी अधिकाऱ्यांशी जपून वागा! बाकी, उत्तरा नक्षत्राच्या व्यक्तींना अनुकूल काळ. शुभ ग्रहांच्या मंत्रालयातून उत्तम रसद पुरवली जाईल! तरुणांचा परदेशी भाग्योदय. आजचा रविवार पूर्वा नक्षत्राच्या व्यक्तींना शुभसूचक. नोकरीत भाग्योदयाची चाहूल.
कन्या:
नोकरीत प्रशंसा होईल कन्या : पौर्णिमेच्या प्रभावक्षेत्रात चंद्र-गुरू-शुक्र यांची स्थिती इतर कुयोगांवर मात करणारी. उत्तरा नक्षत्राच्या व्यक्तींचा पौर्णिमेच्या आसपासच्या काळात नोकरीत भाग्योदय. प्रशंसापात्र व्हाल. चित्रा नक्षत्राच्या व्यक्तींना आजचा रविवार कौटुंबिक सुवार्तांचा. हस्त नक्षत्राच्या व्यक्तींनी पौर्णिमेच्या आसपासच्या काळात संसर्गापासून जपावं. घरातील लहान व्रात्य मुलांना आवर घाला.
तूळ:
न बोलून लाभ घ्या! तूळ : पौर्णिमेच्या प्रभावक्षेत्रात ग्रहांचं शक्तिप्रदर्शन होईल, यात शुभ ग्रह बाजी मारतीलच! स्वाती नक्षत्राच्या व्यक्तींनी न बोलून लाभ घ्यावा! राजकारणात पडू नका. कुणाची बाजू घेऊ नका. विशाखा नक्षत्राच्या तरुणांना पौर्णिमेच्या आसपासच्या काळात मोठ्या संधी मिळतील. मात्र, सत्संग ठेवा. व्यावसायिकांनी जुगार टाळावा.
वृश्चिक:
नोकरीत गैरसमज नकोत वृश्‍चिक : पौर्णिमेची जबरदस्त शक्तिस्पंदनं राहतील. ज्येष्ठा नक्षत्राच्या व्यक्तींनी कौशल्यानं लाभ करून घ्यावा. राजकारणी व्यक्तींपासून जपूनच. विशाखा नक्षत्राच्या व्यक्तींनी वास्तुविषयक व्यवहार जपून करावेत. पौर्णिमेच्या आसपासच्या काळात घरातील वृद्धांची काळजी घ्यावी.अनुराधा नक्षत्राच्या व्यक्तींनी नोकरीत गैरसमज टाळावेत. घरातील लहान मुलांना जपावं.
धनु:
वाहन काळजीपूर्वक चालवा धनू : पौर्णिमेच्या प्रभावक्षेत्रात तुम्ही साडेसाती विसरणार आहात! पूर्वाषाढा नक्षत्राच्या व्यक्तींची सांसारिक वेल बहरेल! आजचा रविवार सप्ताहाचं उत्तम बजेट घोषित करेल! मात्र, तरुणांनी वाहन चालवताना, विद्युत्उपकरणं वापरताना काळजी घ्यावी. मूळ नक्षत्राच्या व्यक्तींनी खरेदीत करताना दक्षता बाळगावी.
मकर:
नोकरीत भाग्योदय होईल मकर : राशीतील पौर्णिमा रवी-हर्षल केंद्रयोगाच्या पार्श्वभूमीवर होत आहे. अपघात होणार नाही याची काळजी घ्या. पंचमहाभूतांपासून सांभाळा. बाकी, श्रवण नक्षत्राच्या व्यक्तींना पौर्णिमा नोकरीत भाग्योदयाची. धनिष्ठा नक्षत्राच्या व्यक्तींना आजचा रविवार शुभशकुनी. पुत्रचिंता जाईल. संकष्टीचा शुक्रवार चंद्रोदयातून शुभ. कोणताही अट्टहास टाळा
कुंभ:
कोणताही अट्टहास टाळा कुंभ : सप्ताहातील एक शुभसंबंधित रास. मात्र, कोणताही अट्टहास टाळावा. शततारका नक्षत्राच्या व्यक्तींनी प्रवासात प्रकृती सांभाळावी. बाकी, तरुणांना मोठ्या संधी मिळतील. थोरा-मोठ्यांचं उत्तम सहकार्य. कलाकारांचा भाग्योदय. पूर्वाभाद्रपदा नक्षत्राच्या व्यक्तींना गुरुवार सुवार्तांचा.
मीन:
नोकरीच्या मुलाखतीला यश मीन : पौर्णिमेचं बजेट शुभ ग्रहांचंच! रेवती नक्षत्राच्या व्यक्तींचं एखादं फोटोफिनिश यश सप्ताह गाजवेल. मात्र, हाता-पायाला दुखापत होणार नाही याची काळजी घ्या. पौर्णिमेच्या आसपासच्या काळात तरुणांना नोकरीच्या मुलाखतींना यश. उत्तराभाद्रपदा नक्षत्राच्या स्त्रीवर्गानं पतीचं मन सांभाळावं. संकष्टीचा चंद्रोदय भाग्योदयाचा.

ताज्या बातम्या