आजचे राशिभविष्य आणि पंचांग - 21 नोव्हेंबर 2021

पंचांग -

रविवार : कार्तिक कृष्ण २, चंद्रनक्षत्र रोहिणी, चंद्रराशी वृषभ/मिथुन, चंद्रोदय सायंकाळी ७.२५, चंद्रास्त सकाळी ८.१४, सूर्योदय ६.४५, सूर्यास्त ५.५५, भारतीय सौर कार्तिक ३० शके १९४३.

दिनविशेष -

२००४ : विश्‍वकरंडक कबड्डी स्पर्धेच्या निमित्ताने मुंबईत जागतिक कबड्डी महासंघाची स्थापना. महासंघाची स्थापना हे कबड्डी या खेळाचा भविष्यात ऑलिंपिक, एशियाड आणि राष्ट्रकुल स्पर्धेत समावेश होण्याच्या दिशेने टाकलेले पुढचे पाऊल असेल.

२००४ : विश्‍वकरंडक कबड्डी स्पर्धेत भारताने इराणला ५५-२७ असे सहज पराभूत करून विजेतेपद पटकाविले.

२०१३ : यशवंतराव चव्हाण महाराष्ट्र मुक्त विद्यापीठातर्फे देण्यात येणारे ‘२०१३ विशाखा काव्य पुरस्कार’ सावंतवाडी येथील शरयू आसोलकर यांच्या ‘तुटलेपण पुन्हा बांधून घेताना’ या काव्यसंग्रहाला पुरस्कार जाहीर.

२०१४ : अमेरिकेच्या व्हाइट हाउसतर्फे प्रतिष्ठेचे ‘नॅशनल मेडल ऑफ सायन्स’ हे पदक देऊन १९ जणांना गौरविले. त्यात मूळ भारतीय वंशाचे संशोधक थॉमस कैलाथ (वय ७९) यांचा समावेश आहे.

२०१५ : प्रेरणा भांब्रीने आयटीएफ महिला टेनिस स्पर्धेचे विजेतेपद पटकावले.

२०१६ : स्वदेशी बनावटीच्या पृथ्वी-२ या बॅलेस्टिक क्षेपणास्त्राच्या चाचण्या चांदीपूर येथे यशस्वीरीत्या पार पडल्या.

दिनमान -

मेष - महत्त्वाची आर्थिक कामे उरकून घ्यावीत. अचानक धनलाभाची शक्यता आहे.

वृषभ - शुभ कामासाठी दिवस चांगला. प्रॉपर्टीसाठी दिवस चांगला आहे.

मिथुन - महत्त्वाची शुभ कामे नकोत. नातेवाइकांशी मतभेदाची शक्यता आहे.

कर्क - आपणाला आजचा दिवस चांगला जाणार आहे. कामात यश लाभणार आहे.

सिंह - सार्वजनिक कामात प्रतिष्ठा लाभेल. तुमचा दबदबा वाढेल.

कन्या - सांस्कृतिक कार्यात सहभागी होण्याची संधी मिळेल. खर्चाचे प्रमाण वाढणार आहे.

तूळ - बौद्धिक क्षेत्रात तुम्हाला यश लाभणार आहे. वैचारिक प्रगती होणार आहे.

वृश्‍चिक - शुभ कामासाठी दिवस चांगला आहे. एखादी भाग्यकारक घटना घडेल.

धनू - संततिसौख्य लाभेल. मुलामुलींच्या संदर्भात एखादी चांगली घटना घडेल.

मकर - उत्साह, उमेद वाढेल. महत्त्वाची कामे उरकून घ्यावीत.

कुंभ - प्रॉपर्टीकरिता, गुंतवणुकीकरिता दिवस शुभ आहे. व्यवसाय वाढेल.

मीन - प्रवासाचे योग येतील. प्रवास सुखकर होतील.