weekly horoscope 10th august 2025 to 16th august 2025Sakal
Horoscope | राशी भविष्य
साप्ताहिक राशिभविष्य : (१० ऑगस्ट २०२५ ते १६ ऑगस्ट २०२५)
भगवंताची नित्यता या विश्वात ज्या जाणिवेने कार्यरत असते, त्या जाणिवेला आकृष्ट करून घेण्यासाठी श्रीकृष्णाशी सख्य व्हावे लागेल.
कलावंतांना मोठा वाव मिळेल
मेष : सप्ताहातील गुरु-शुक्र युतियोगाची पार्श्वभूमी सप्ताहारंभी ग्रहांचा पट ताब्यात घेईल. भरणी नक्षत्राच्या व्यक्तींना एक वाचासिद्धी प्राप्त होईल. गुरुभक्तीच्या स्पंदनात किंवा आवर्तनात राहाच. तरुणांना श्रीकृष्णजयंतीची पर्वणी राहील. कलावंतांना मोठा वाव मिळेल. अश्विनी नक्षत्राच्या व्यक्तींना सप्ताहाचा शेवट महत्त्वाच्या कामांतून फलदायी होईल. कृत्तिका नक्षत्राच्या व्यक्तींना सप्ताहाचा शेवट घरातील तरुणांची कार्ये ठरवेल. शत्रुत्व शमेल. काहींना राजकीय लाभ होईल.