IPL 2022: आंद्रे रसेलची अष्टपैलू कामगिरी व्यर्थ; कोलकाता-हैदराबाद सामन्यातील 5 महत्त्वाचे क्षण

सामन्यात एकापेक्षा एक मस्त अशी कामगिरी पाहायला मिळाली. कोलकाताकडून नितीश राणाने अर्धशतक झळकावले आहे, तर आंद्रे रसेलने ही चांगली कामगिरी केली आहे. मात्र, या कामगिरीनंतरही कोलकाताला पराभवाला सामोरे जावे लागले आहे.

हैदराबादचा वेगवान गोलंदाज टी. नटराजनने सनरायझर्स हैदराबादला सामन्यात चांगली सुरुवात करून दिली. प्रथम व्यंकटेश अय्यर मग त्यानंतर एकाच षटकात श्रेयस अय्यर आणि सुनील नरेनचे विकेटही घेतले आहे.

कोलकाता नाईट रायडर्ससाठी नितीश राणाने सर्वाधिक 54 धावांचे योगदान दिले. राणाच्या खेळीत ६ चौकार आणि २ षटकारांचा समावेश होता. नितीश राणाचे या हंगामात पहिले अर्धशतक होते.

आंद्रे रसेलने कोलकात्याला 175 धावांपर्यंत नेण्यात मोलाचा वाटा आहे. रसेलने अवघ्या 25 चेंडूत तब्बल चार षटकार आणि चौकारांच्या मदतीने नाबाद 49 धावांची खेळी केली. यानंतर त्याने गोलंदाजीतही दोन बळी घेतले.

सनरायझर्स हैदराबादच्या पॉवरप्लेमध्ये दोन विकेट पडल्या असताना. राहुल त्रिपाठीने शानदार खेळी करत कोलकाता गोलंदाजाना एका हाती घेतले. त्रिपाठीने अवघ्या 37 चेंडूत 6 षटकार आणि 4 चौकारांसह 71 धावा केल्या.

दक्षिण आफ्रिकेचा खेळाडू एडन मार्करामनेही राहुल त्रिपाठीला चांगली साथ दिली. एडन मार्करामने राहुलसोबत तिसऱ्या विकेटसाठी ९४ धावांची भागीदारी केली. एडन मार्करामने 6 चौकार आणि चार षटकारांसह नाबाद 68 धावा केल्या.