Marbat Photo : नागपूर शहरात मारबत निघण्यामागील परंपरा काय? फोटोंमधून जाणून घ्या...

Marbat Photo Latest News नागपूर : इंग्रज शासनाच्या अत्याचारास जनता कंटाळल्याने इंग्रजांना कसे हाकलावे या विचारात सर्वजण होते. जनतेला जागृत करण्यास कायदेशीर बंदी होती. मात्र, धार्मिक कार्यास थोडीफार मुभा असल्याने त्याचा फायदा घेऊन तऱ्हाणे तेली समाजातील थोर रहिवासी यांनी समाजातील लोकांना एकत्रित करण्याचे व समाज बांधणीचे कार्य करून मारबत उत्सवाचे कार्य सुरू करून इंग्रजांविरुद्ध लढा पुकारला. लढा देणे हे फार कठीण होते. परंतु, त्यात धार्मिक उद्देशाने एकत्रित करण्यासाठी थोडीशी कायद्यात मुभा होती. या संधीचा फायदा घेऊन धार्मिक स्वरूप निर्माण करण्यास श्री भगवान कृष्णाची मावशी पुतणा राक्षसीने भगवान कृष्णाचा वध करायचा प्रयत्न केला होता. या शास्त्रोक्त घटनेचा आधार घेऊन मारबत उत्सवाची स्थापना पोळ्याच्या दिवशी वर्ष १८८५ पासून समाजाने केली. (छायाचित्र - प्रतीक बारसागडे)