राष्ट्रपती भवनात तैलचित्र रेखाटण्याचा सांगलीकराने मिळावला मान

सांगली : चित्रकलेचे शिक्षण घेत असताना एक दिवस मनोज सकळे यांना वडिलांचा फोन आला. ‘अरे, तुझ्या या शिक्षणावर खूप खर्च होतोय, तो मला झेपेल, असं वाटत नाही.’ मनोज यांनी, ‘मी काम करून शिकेन,’ अशी वडिलांना ग्वाही दिली. त्यांनी व्यक्तिचित्र रेखाटण्याचे काम सुरू केले. दिवसाकाठी दोनशे रुपये मिळायचे. व्यक्तिचित्र, अर्थात पोट्रेट रेखाटण्यात त्यांचा हातखंडा बनला. तोच त्यांना मोठा सन्मान देऊन गेला. माजी राष्ट्रपती रामनाथ कोविंद यांचे राष्ट्रपती भवनमध्ये लावण्यासाठीचे अधिकृत तैलचित्र रेखाटण्याचा मान मनोज यांना मिळाला.