रावेरला 2 दिवस उशिरा पाणीपुरवठा

रावेर (जि. जळगाव) : पालिका हद्दीत पाणीपुरवठा करणारी नगरपरिषदेची ऐनपूर जॅकवेल ते जलशुद्धीकरण केंद्रापर्यंतची मुख्य जलवाहिनी सांगवे गावाजवळ फुटली आहे. यामुळे शहरातील पाणीपुरवठा विस्कळीत झाला आहे. या लोखंडी जलवाहिनी दुरुस्तीचे काम नगरपरिषदेमार्फत सुरू आहे. त्यामुळे पुढील २ ते ३ दिवस शहरातील पाणीपुरवठा उशिराने होईल, नागरिकांनी पाण्याचा कमी व योग्य वापर करावा व नगरपालिकेस सहकार्य करावे, असे आवाहन पालिकेने केले आहे.