Jalgaon News : तरुणाची गळफास घेऊन आत्महत्या; नैराश्‍यातून जीवन संपविल्याचा संशय

Jalgaon News : तालुक्यातील कानळदा येथील २२ वर्षीय तरुणाने शेतातील चिकूच्या झाडाला शुक्रवारी (ता. २१) सकाळी गळफास घेऊन आत्महत्या केली. (22 year old youth committed suicide jalgaon news)

तालुक्यातील कानळदा येथील भिलवाड्यातील राहुल रवींद्र सोनवणे (वय २२) आईवडिल आणि लहान बहिणीसोबत वास्तव्याला होता. शेती व मजुरी करून उदरनिर्वाह करीत होता. काही दिवसांपासून काम नसल्याने राहुल घरीच होता. गुरुवारी (ता. २०) दुपारी चारला गावातील किरण नारायण राणे यांच्या शेतात गेला. शेतातील चिकूच्या झाडाला गळफास घेऊन त्याने आत्महत्या केली.

हेही वाचा : संतुलित आहारातून रोखा फॅटी लिव्हरचा आजार

राहुल घरी आला नाही, म्हणून आईवडिल चिंतेत होते. त्यांनी त्यांचा शोध घेतला. अखेर शुक्रवारी सकाळी सताला किरण राणे यांच्या शेतातील चिकूच्या झाडाला गळफास घेतल्याचे दिसून आले. ग्रामस्थांनी राहुल सोनवणेचा मृतदेह खाली उतरून जिल्हा शासकीय वैद्यकीय महाविद्यालयात रवाना केला.

तेथे वैद्यकीय अधिकारी डॉ. राहुल पाटील यांनी तपासून त्यास मृत घोषित केले. आत्महत्येचे कारण कळू शकले नाही. याबाबत तालुका ठाण्यात आकस्मिक मृत्यूची नोंद झाली आहे. मृत राहुल सोनवणे यांच्या पश्चात आई वत्सलाबाई, वडील रवींद्र सोनवणे, दोन बहिणी असा परिवार आहे.