Jalgaon Crime News : मोबाईल टॉवरवरील 3 लाखांचे साहित्य लंपास

Jalgaon Crime News : मोबाईल टॉवरवरील दोन लाख ८१ हजार ३८४ रुपयांचे साहित्य अज्ञात चोरट्यांनी लंपास केले.

बुधवार (ता१७) रोजी जळगाव खुर्द शिवारात हा प्रकार घडला असून नशिराबाद पोलिस ठाण्यात गुन्ह्याची नोंद करण्यात आली आहे. (3 lakhs materials on mobile tower stolen jalgaon crime news)

जळगाव खुर्द शिवारात खासगी कंपनीचे मोबाईल टॉवर असून त्यावर बसविण्यात आलेल्या विविध तांत्रिक साहित्यापैकी दोन लाख ७६ हजार ११६ रुपये किमतीचे एक युनिट, पाच हजार २६८ रुपये किमतीचे ओपीटी असे एकूण दोन लाख ७६ हजार ११६ रुपये किमतीचे साहित्य अज्ञात चोरट्यांनी चोरून नेले.

हा प्रकार लक्षात आल्यानंतर १८ जानेवारी रोजी तंत्रज्ञ सचिन सूर्यवंशी यांनी नशिराबाद पोलिस ठाण्यात फिर्याद दिली. त्यावरून अज्ञात चोरट्यांविरुद्ध गुन्हा दाखल करण्यात आला आहे. पोलिस नाईक गिरीश शिंदे तपास करीत आहेत.