Jalgaon News : चिमुरडीचा विनयभंग; आरोपीला 5 वर्षे सश्रम कारवास

जळगाव : शहरातील शिवाजीनगर परिसरातील चिमुरडीचा विनयभंग करणारा आरोपी शेख असिफ शेख नबी (वय २४, रा. शिवाजीनगर) याला जिल्हा न्यायालयाने (Court) पाच वर्षे सक्तमजुरी आणि १५ हजारांचा दंड ठोठावला. (5 years rigorous imprisonment for accused of molesting a girl Jalgaon News)

१७ वर्षीय मुलगी ११ सप्टेंबर २०१८ ला घरी पायी जात असताना, शेख असिफ शेख नबी याने तिचा हात पकडून विनयभंग केला होता. याबाबत शहर पोलिस ठाण्यात गुन्हा दाखल झाला होता. दाखल गुन्ह्याचा तपास पूर्ण होऊन दोषारोपपत्र न्यायालयात सादर करण्यात आले.

खटल्याचे कामकाज विशेष पॉक्सो न्यायाधीश व अतिरिक्त सत्र न्यायाधीश बी. एस. महाजन यांच्या न्यायालयात चालले. सरकार पक्षातर्फे एकूण पाच साक्षीदार तपासण्यात आले. यात पीडित अल्पवयीन मुलगी आणि तिच्या बहिणींची साक्ष महत्त्वपूर्ण ठरली.

हेही वाचा : संतुलित आहारातून रोखा फॅटी लिव्हरचा आजार

प्राप्त पुरावे, साक्षीदारांच्या साक्षच्या आधारावर संशयित शेख आसिफ शेख नबी याच्याविरुद्ध आरोप सिद्ध होऊन न्यायाधीश बी. एस. महाजन यांनी बाललैंगिक अत्याचार अधिनियमाच्या कलमानुसार पाच वर्षे सश्रम कारावास आणि १५ हजारांच्या दंडाची शिक्षा सुनावली. सरकार पक्षातर्फे विशेष सरकारी वकील ॲड. चारुलता बोरसे यांनी प्रभावी युक्तिवाद केला. याकामी पैरवी अधिकारी विजय पाटील यांनी सहकार्य केले.