Shiv Sena News: गाळण येथील भाजयुमो पदाधिकारी, कार्यकर्ते शिवसेनेत

Shiv Sena News : गाळण (ता. पाचोरा) भारतीय जनता युवा मोर्चा पदाधिकाऱ्यांनी आमदार किशोर पाटील यांच्या नेतृत्वावर विश्वास ठेवत शिवसेनेत प्रवेश केला आहे.

भारतीय जनता युवा मोर्चाचे तालुका उपाध्यक्ष तथा ग्रामपंचायत सदस्य अनिल शिंदे, विविध कार्यकारी सोसायटीचे अध्यक्ष सचिन पाटील, माजी सरपंच सुरेश पाटील, माजी सरपंच रोहिदास पाटील यांच्यासह बहुसंख्य तरुणांनी शिवसेनेत प्रवेश केला आहे. (BJP yuva morcha office bearers activists join in Shiv Sena from Galan)

आमदार किशोर पाटील यांच्या विकासकामांनी प्रभावित होऊन गावाच्या सर्वांगीण विकासासाठी शिवसेनेत प्रवेश करत असल्याची भावना त्यांनी व्यक्त केली. विठ्ठल मंदिरात रविवारी रात्री प्रवेश सोहळा झाला.

या वेळी जिल्हाप्रमुख रावसाहेब पाटील, बाजार समितीच सभापती गणेश पाटील, तालुकाप्रमुख सुनील पाटील, शहरप्रमुख किशोर बारावकर, प्रवीण ब्राह्मणे, डॉ. बी. बी. राजपूत, ॲड. दीपक बोरसे पाटील, माजी सभापती अनिल पाटील, उपसरपंच ईश्वर पाटील, सरपंच आत्माराम राठोड, माजी सरपंच राजेंद्र राठोड आदी उपस्थित होते.

हेही वाचा : Credit Card फसवणूक....काय घ्याल काळजी?

या वेळी रावसाहेब पाटील, सुनील पाटील यांनी मनोगत व्यक्त केले. आमदार किशोर पाटील यांनी गाळण बुद्रुक, गाळण खुर्द, हनुमानवाडी, विष्णुनगर आदी भागात केलेल्या विकासकामांची माहिती देत पक्षात प्रवेश केलेल्या कार्यकर्त्यांचा सन्मान राखून विकासकामांसाठी सर्वतोपरी मदत करणार असल्याचे सांगितले.

नितीन राजपूत यांनी प्रास्ताविक व सूत्रसंचालन केले. ॲड. दीपक बोरसे पाटील यांनी आभार मानले.