रागाच्या भरात मुलाने सोडले घर; पोलिसांत अपहरणाचा गुन्हा दाखल

जळगाव : शहरातील पिंप्राळा परिसरातून १४ वर्षीय अल्पवयीन मुलगा हा रागाच्या भरात घरातून निघून गेल्याची घटना घडली. मुलगा घरी परत न आल्याने याप्रकरणी रामानंदनगर पोलिसांत अपहरणाचा गुन्हा दाखल झाला आहे.

जळगाव शहरातील पिंप्राळा परिसरात अल्पवयीन मुलगा सुमीत महेंद्र माळी बुधवारी (ता. ७) सकाळी घरात कुणाला काहीएक न सांगता रागाच्या भरात कुठेतरी निघून गेला. सर्वत्र शोध घेऊनही मुलगा मिळून आला नाही. उशिरापर्यंत घरी परत आला नाही. अखेर याबाबत मुलाचे वडिलांनी दुसऱ्या दिवशी म्हणजेच ८ सप्टेंबरला नशिराबाद पोलिसांत तक्रार केली. मुलगा अल्पवयीन असल्याने अज्ञात व्यक्तीविरोधात अपहरणाचा गुन्हा दाखल करण्यात आला आहे. सहाय्यक पोलिस निरीक्षक रोहिदास गभाले पुढल तपास करीत आहेत.