Jalgaon News : पोषण ट्रॅकर कामावर अंगणवाडी कर्मचाऱ्यांचा बहिष्कार

जळगाव : राज्यातील अंगणवाडी कर्मचाऱ्यांचे मोबाईल अत्यंत खराब झाले आहेत. त्यामुळे त्यांना ॲपवर इंग्रजीत पोषण ट्रॅक भरणे अवघड जात आहे. त्यामुळे त्यांना खासगी मोबाईलधारकाकडून ते भरून घ्यावे लागत आहे.

त्यामुळे अंगणवाडी कर्मचऱ्यांनी ट्रॅकर कामावर बहिष्कार टाकला आहे. दरम्यान, २८ डिसेंबरला नागपूर येथे मोर्चा काढण्यात येणार आहे. (Boycott of Anganwadi workers on nutrition tracker work Jalgaon News)

हेही वाचा : प्रेमाला धर्म आहे...?

मोबाईल ट्रॅकवर बहिष्कार टाकण्याबाबतचे निवेदन जिल्हा परिषदेला देण्यात आले आहे. राज्य उपाध्यक्ष अमृत महाजन, प्रेमलता पाटील, फातीमा शेख, कल्पना सैंदाणे, मंगला पाटील, अरुणा पाटील, वसुमती सूर्यवंशी, देवबाला महाजन, रेणुका पाटील यांनी जिल्हा परिषदेचे मुख्य कार्यकारी अधिकाऱ्यांना पत्र सादर केले असल्याची माहिती देण्यात आली.

अंगणवाडी कर्मचाऱ्यांच्या विविध मांगण्यासाठी २८ डिसेंबरला नागपूरच्या विधिमंडळात सुरू असलेल्या अधिवेशनावेळी मोर्चा काढण्यात येणार आहे. मोर्चासाठी जिल्ह्यातील कर्मचाऱ्यांनी २७ डिसेंबरला सायंकाळी पाचपर्यंत भुसावळ रेल्वेस्थानक व सोयीचे स्टेशनवरून नागपूरला पोहोचावे, असे अवाहनही अमृत महाजन यांनी केले आहे.