Jalgaon News : सुतार व्यावसायिकाची पाचोरा येथे आत्महत्या

पाचोरा : येथील भडगाव रोड भागातील शांतीनगरात भाड्याच्या घरात राहणाऱ्या ३२ वर्षीय सुतार व्यावसायिकाने गळफास घेऊन आत्महत्या केली. या प्रकरणी पोलिसांनी अकस्मात मृत्यूची नोंद केली आहे.

गाळण खुर्द (ता. पाचोरा) येथील सचिन वाडेकर सुतारी कामानिमित्त गेल्या काही महिन्यांपासून शांतीनगरात भाड्याच्या घरात वास्तव्यास होते. त्यांचे कुटुंबीय गाळण येथे नातलगांच्या वैवाहिक सोहळ्यासाठी गेल्याने ते घरात एकटेच होते. (Carpenter professional Suicide at Pachora Jalgaon News)

हेही वाचा: प्राप्तिकरासाठी निवडा तुमच्या सोयीची प्रणाली

सोमवारी (ता. ६) पहाटे त्यांनी वरच्या मजल्यावरील खोलीत जाऊन गळफास घेतला. त्यांचा सहकारी त्यांना बोलवण्यासाठी आला असता त्यांनी गळफास घेतल्याचे निदर्शनास आले. घरमालकांनी पोलिसांनी माहिती दिल्यानंतर पोलिसांनी घटनास्थळी येऊन पंचनामा केला.

रुग्णवाहिका चालक बबलू मराठे यांनी मृतदेह ग्रामीण रुग्णालयात आणल्यावर डॉ. अमित साळुंखे यांनी त्यांना मृत घोषित केले. त्यांच्या आत्महत्येमागील कारण गुलदस्त्यात असून, त्यांच्या पश्चात आई, पत्नी, मुलगा, मुलगी, भाऊ असा परिवार आहे. पोलिस नाईक दिलीप वाघमोडे तपास करीत आहेत.