Jalgaon News : गुरांच्या बाजारास जिल्हाधिकाऱ्यांची परवानगी‌

पारोळा : लंम्पी आजाराच्या प्रादुर्भावामुळे गेल्या अनेक दिवसांपासून गुरांचा आठवडे बाजार बंद होता. मात्र आता गुरांचे लसीकरण संपूर्ण जिल्ह्यासह तालुक्यात पूर्ण झाल्याने तसेच आजाराचा प्रादुर्भाव आटोक्यात आल्याने गुरांच्या आठवडे बाजारास जिल्हाधिकाऱ्यांनी परवानगी दिली असून, रविवारी (ता. ८) गुरांचा आठवडे बाजार सुरू करण्यात येत असल्याची माहिती कृषी उत्पन्न बाजार समितीतर्फे देण्यात आली. (Collector permission for cattle market Jalgaon News)

हेही वाचा : द मिसिंग टाइल सिंड्रोम ठेवा आपल्यापासून दूर

दरम्यान, गुरांच्या आठवडे बाजारात येताना शेतकऱ्यांनी लसीकरण झालेल्या गुरांनाच विक्रीसाठी आणणे आवश्यक असून, गुरांची ओळख पटविण्यासाठी कानात टेग नंबर असणे आवश्यक, तसेच लंपी आजार झालेल्या जनावरांना विक्रीस आणू नये,

असे आवाहन देखील बाजार समितीकडून करण्यात आले आहे. यासाठी शेतकरी, व्यापाऱ्यांनी शासनाच्या नियमांची अंमलबजावणी करावी, असे आवाहन प्रशासक जी. एच. पाटील, सचिव रमेश चौधरी यांनी केले आहे.