Jalgaon News: पिंप्राळ्यात लवकरच भव्य दीक्षाभूमीची निर्मिती; माजी महापौरांची प्रकाश आंबेडकरांशी चर्चा

Jalgaon News : नागपूरच्या धर्तीवर जळगावाती पिंप्राळा येथे भव्य दीक्षाभूमी करण्याचा ठराव महापालिकेत मंजूर करण्यात आला आहे.

लवकरच ती उभारण्यात येईल, अशी माहिती माजी महापौर जयश्री महाजन यांनी वंचित बहुजन आघाडीचे नेते ॲड. प्रकाश आंबेडकरांना दिली. (Construction of grand Deekshabhoomi soon at Pimprala jalgaon news)

ॲड.प्रकाश आंबेडकर जळगांव शहराच्या दौऱ्यावर आले होते. अजिंठा शासकिय विश्रामगृहात जळगाव शहराच्या माजी महापौर जयश्री महाजन यांनी त्यांची भेट घेतली. त्यावेळी त्यांनी विविध विषयावर चर्चा केली.

यावेळी सौ.महाजन यांनी सांगितले की, जळगाव महानगरपालिकेने पिंप्राळा परिसरातील हुडको भागात दहा एकर जागेत नागपूरच्या धर्तीवर दीक्षाभूमी करण्याचा ठराव मंजूर केलेला आहे.

या जागेवर लवकरात लवकर दीक्षाभूमी उभी करण्यात येईल. या वेळी त्यांनी ॲड. आंबेडकरांना दीक्षा भूमीबाबत माहिती दिली व तसेच त्यांच्याकडून त्या संदर्भात काही सूचना जाणून घेतल्या. त्यांच्यासोबत वंचित बहुजन आघाडीचे जिल्हाध्यक्ष व महानगर अध्यक्ष उपस्थित होते.