चाळीसगाव : मित्राकडून नोट्स घेऊन येतो, असे सांगून गेलेल्या अल्पवयीन शाळकरी मुलाला अज्ञात व्यक्तीने फूस लावून पळविल्याची घटना शहरातील आदर्शनगरात उघडकीला आली. या प्रकरणी शहर पोलिस ठाण्यात गुन्हा दाखल करण्यात आला आहे.
शहरातील आदर्शनगरातील ओमप्रकाश रतन थेटे (वय ४५) तालुक्यातील पिंपळगाव जिल्हा परिषद शाळेत शिक्षक आहेत. त्यांच्याकडे त्यांचा सोळावर्षीय पुतण्या शिकायला असून, तो पिंपरखेड येथील शाळेत अकरावी विज्ञान शाखेत शिक्षण घेत आहे.(Crime Case Minor boy kidnap lured Jalgaon Crime News)
तो शुक्रवारी (ता. ७) रा. वि. महाविद्यालय, चाळीसगाव येथील मित्राकडून नोट्स घेऊन येतो, असे घरच्यांना सांगून गेला. त्यानंतर सायंकाळी साडेपाचच्या सुमारास ओमप्रकाश थेटे शाळेवरून घरी आले तेव्हा त्यांनी आपल्या मुलाला पुतण्याबाबत विचारपूस केली असता तो मित्रांकडे नोट्स घेण्यासाठी गेल्याचे सांगितले.
त्यावर ओमप्रकाश थेटे यांनी मित्रांसह परिसरात शोधाशोध केली असता त्याची फक्त सायकल आढळून आली. त्याच्या अज्ञानाचा फायदा घेऊन कोणीतरी अज्ञाताने फूस लावून पळवून नेले, अशी खात्री होताच चाळीसगाव शहर पोलिस ठाणे गाठून थेटे यांनी गुन्हा दाखल केला. पोलिस निरीक्षक के. के. पाटील यांच्या निर्देशानुसार पुढील तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
