Crime Update : 6 वर्षे फरार संशयित अटकेत

जळगाव : चाळीसगाव पोलिस ठाण्यात दाखल गुन्ह्यात सहा वर्षांपासून फरार संशयित आरोपीला भडगाव तालुक्यातून स्थानिक गुन्हे शाखेच्या पथकाने अटक केली आहे. पुढील कारवाईसाठी त्याला चाळीसगाव पोलिसांच्या ताब्यात देण्यात आले आहे.

चाळीसगाव शहर पोलिस ठाण्यात गुरनं ९७/२०१७ भादवि कलम ४२०, ४०६ अन्वये संशयित आरोपी भगवान भिकन ऊर्फ भिका सोनवणे (वय-३४ रा. पिंप्रीहाट ता. भडगाव ह.मु. महादेव डिंडोली ता.उधना, गुजरात) याच्याविरूद्ध गुन्हा दाखल करण्यात आलेला होता.(Crime Update Suspect on run for 6 years arrested Jalgaon Crime News)

गुन्हा दाखल झाल्यापासून तो फरार होता. संशयित भगवान हा बसने भडगाव येथे येत असल्याची गुप्त माहिती स्थानिक गुन्हे शाखेचे निरीक्षक किसनराव नजन पाटील यांना मिळाली.

त्यांच्या पथकातील सहाय्यक निरीक्षक जालिंदर पळे, सुनील दामोदरे, लक्ष्मण पाटील, रणजित जाधव, किशोर राठोड, विनोद पाटील, प्रमोद ठाकूर यांनी कारवाई करत संशयित आरोपी भगवान सोनवणे याला पिंप्रीहाट बसस्थानक येथे बसमधून उतरताचा ताब्यात घेतले. पुढील कारवाईसाठी त्याला चाळीसगाव शहर पोलिसांच्या ताब्यात देण्यात आले आहे.