Jalgaon News : मालमत्ता करात आजपर्यंत सूट

जळगाव : महापालिकेतर्फे मालमत्ता कर भरणाऱ्या नागरिकांना सूट देण्यात येते. त्याची अंतिम मुदत ३१ डिसेंबरपर्यंत आहे. त्यामुळे शनिवारी (ता. ३१) सुटी असली, तरी कर स्वीकारला जाणार असल्याचे आयुक्त देवीदास पवार यांनी कळविले आहे.

महापालिकेतर्फे २०२२-२३ या आर्थिक वर्षातील मालमत्ता कराची बिले देण्यात आली आहेत. बिलाची रक्कम अदा करणाऱ्यास महापालिकेतर्फे सूट देण्यात येते. आता ही सूट केवळ ३१ डिसेंबरपर्यंत कर भरणाऱ्या नागरिकांनाच देण्यात येणार आहे. (Exemption from property tax till date by municipal corporation jalgaon news)

हेही वाचा : जोखमीचे भान राखूनच करा SIP मध्ये गुंतवणूक

१ जानेवारीपासून बिल न भरणाऱ्यास दंड आकारणी करण्यात येणार आहे. बिलावर दरमहा दोन टक्के दंड आकारण्यात येणार आहे.

शनिवारी सुटी असली, तरी नागरिकांना मालमत्ता कराचा भरणा करण्यासाठी महापालिकेचे सर्व वसुली कार्यालय सकाळी दहा ते दुपारी दोन या वेळेत सुरू राहणार आहेत. त्यामुळे जास्तीत जास्त लोकांनी महापालिकेतर्फे देण्यात येणाऱ्य सुटीचा लाभ घ्यावा, असे अवाहनही आयुक्त पवार यांनी केले आहे.