जळगाव : हिंदूहृदय सम्राट शिवसेनाप्रमुख (स्व.) बाळासाहेब ठाकरे यांच्या जयंतीनिमित्त शिवसेना (ठाकरे गट) जळगाव महानगर आणि कैलास क्रीडा मंडळातर्फे बाळासाहेब ठाकरे भव्य कबड्डी स्पर्धेत सोमवारी (ता. २३) महिला व पुरुष गटाचे अंतिम सामने होणार आहेत.
स्पर्धेच्या दुसऱ्या दिवशी संपूर्ण दिवस शिवतीर्थ मैदानावर या स्पर्धेचे साखळी व उपउपांत्य फेरीचे सामने झाले. स्पर्धेत महिलांच्या चार संघांनी उपांत्य फेरीत मजल मारली, तर रात्री उशिरापर्यंत पुरुषांच्या उपउपांत्य फेरीचे सामने खेळविले जात होते. (Final match of Balasaheb Thackeray Kabaddi Trophy today Jalgaon News)
उपउपांत्य फेरीमध्ये प्रेक्षकांनी खास करून तरुणांनी सर्व खेळाडू व आयोजकांचा उत्साह वाढविला. जवळजवळ तीन हजारांवर प्रेक्षक प्रेक्षालयात उपस्थित होते. सोमवारी उपांत्य आणि अंतिम सामना होणार आहे. नागरिकांनी मोठ्या प्रमाणावर येऊन स्पर्धकांचा उत्साह वाढवावा, असे आवाहन स्पर्धेचे आयोजक शिवसेना महानगरप्रमुख शरद तायडे यांनी केले आहे.
उपउपांत्य फेरीत पोचलेले पुरुष संघ : शिवनेरी क्रीडा मंडळ, आर. सी. पटेल (शिरपूर), कैलास क्रीडा मंडळ, महर्षी वाल्मीक संघ, एनटीपीएस (नंदुरबार), नेताजी सुभाष मंडळ, महर्षी फाउंडेशन, क्रीडा रसिक मंडळ. उपांत्य फेरीत पोहोचलेले महिला संघ : स्वामी स्पोर्ट्स (रावेर), एकलव्य संघ (जळगाव), जय मातृभूमी संघ (भुसावळ), आर. सी. पटेल संघ (शिरपूर).
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
