Green Hydrogen Generation: भुसावळला ग्रीन हायड्रोजन निर्मिती प्रकल्प; पहिला पायलट प्रोजेक्ट

Green Hydrogen Generation
Green Hydrogen Generationesakal

भुसावळ : राज्याच्या अर्थसंकल्पात भुसावळला सुमारे पंधरा कोटी रुपये खर्चाचा ग्रीन हायड्रोजन प्रकल्प मंजूर झाल्याने पर्यावरणप्रेमींना आनंद झाला आहे. राज्यातील हा पहिलाच पायलट प्रोजेक्ट असेल.

या प्रकल्पात सौरऊर्जा या अक्षय ऊर्जेचा वापर होणार असल्याने हा पर्यावरणपूरक प्रकल्प असेल, याचे समाधान वाटते, असे मत पर्यावरण तज्ज्ञ व उपज संस्थेचे अध्यक्ष सुरेंद्र चौधरी यांनी व्यक्त केले.

Green Hydrogen Generation
Solar Energy : कचरा डेपोवर होणार ऊर्जा निर्माती

चौधरी पुढे म्हणाले, की भुसावळ परिसरातील वीजनिर्मिती प्रकल्पात ग्रीन हायड्रोजनचा वापर होणार ही अत्यंत आनंदाची गोष्ट आहे. त्यासाठी सौर ऊर्जेसारख्या अक्षय ऊर्जास्त्रोत उपयुक्त ठरेल. थोडक्यात हा पर्यावरण संरक्षणासाठी व प्रदूषण कमी करण्यासाठी उपयुक्त निर्णय आहे.

भुसावळला मंजूर झालेला प्रकल्प पाचशे किलो वॅटचा असून, सोलर एनर्जी व इलेक्ट्रोलायझर वापरून ग्रीन हायड्रोजन निर्माण केला जाईल. भविष्यातील ग्लोबल वार्मिंग व क्लायमेट चेंज रोखण्यासाठी अशा प्रकल्पांची गरज भासणार आहे, असे चौधरी म्हणाले.

Green Hydrogen Generation
Atomic Energy : अणुऊर्जा म्हणजे नेमकं असतं तरी काय ?

''हा प्रकल्प औष्णिक ऊर्जा प्रकल्पाला लागणाऱ्या हायड्रोजन निर्मितीसाठी उपयुक्त असून, सौरऊर्जेच्या वापरातील प्रगतीचे पाऊल ठरणार आहे.'' - डी. के. पाटील, पर्यावरण कार्यकर्ते

''या प्रकल्पामुळे पर्यावरण संवर्धनास मदत होऊन फॉसिल फ्युएल म्हणजेच कोळशाची बचत होऊन पर्यावरणाची हानी कमी करण्यास सहाय्यभूत ठरेल.'' प्रा. वसंत खरे, अध्यक्ष ग्रीन अर्थ फाउंडेशन, भुसावळ

''भुसावळ औष्णिक वीज निर्मिती केंद्रात हायड्रोजन निर्मिती होते, ती फक्त सौरशक्तीद्वारे होणार आहे. अर्थात हा पायलट प्रोजेक्ट असून, त्याचे परिणाम लक्षात घेऊन भविष्यात हा प्रोजेक्ट मोठ्या प्रमाणात राबविला जाऊ शकतो. प्रदूषण नियंत्रणासाठी निश्चितच उपयुक्त आहे.'' - संजय सावकारे, आमदार, भुसावळ

Green Hydrogen Generation
Jalgaon News: शिवाजीनगर पुलाच्या T आकाराचे भिजत घोंगडे; निधी शिल्लक असूनही कामाची टाळाटाळ

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com