जळगाव : मी पुण्यातील एका नामांकित कंपनीत मॅनेजर असल्याची बतावणी करत अजिंठा चौकातील थ्रीस्टार हॉटेल महिंद्रामध्ये दोन महिने एका भामट्याने मुक्काम ठोकला होता. हॉटेलचे एक लाख ८९ हजार रुपयांचे बिल अदा न करता फरारी झालेल्या संशयितास एमआयडीसी पोलिसांनी मुंबईतून अटक केली.
जळगाव शहरातील अजिंठा चौफुलीवरील थ्रीस्टार हॉटेल महिंद्रामध्ये मयूर अशोक जाधव (वय ३६, रा. गणेश ऑर्किड, गंगापूर रोड, नाशिक) याने आपण पुण्यातील एका नामांकित कंपनीत मॅनेजर असल्याचे सांगत १४ फेब्रुवारी ते १६ एप्रिलदरम्यान बस्तान मांडले होते. या काळात हॉटेलमालक आणि कर्मचारी, मॅनेजर यांचा विश्वास संपादन करून रेस्टॉरंट व बिअर बारमध्ये यथेच्छ दारू ढोसली. त्याचे एक लाख ८९ हजार ५९० रुपयांचे बिल निघाले. बिल देण्याची वेळ आल्यावर या भामट्याने हॉटेल मॅनेजरच्या हातात चेक देत पोबारा केला होता. या प्रकरणी ९ मेस हॉटेलमालक तेजेंद्रसिंग अमितसिंह महिंद्रा यांच्या फिर्यादीवरून एमआयडीसी पोलिस ठाण्यात मयूर जाधव याच्याविरोधात गुन्हा दाखल झाला होता.
मुंबईतून आवळल्या मुसक्या
गुन्हा दाखल झाल्यानंतर एमआयडीसीचे पोलिस निरीक्षक प्रताप शिकारे यांच्या पथकातील पोलिस नाईक इम्रान सय्यद, सुधीर सावळे, गोविंदा पाटील यांनी मिळालेल्या माहितीवरून मुंबई गाठली. पथकाने तीन दिवस मुंबईला मुक्काम केल्यानंतर संशयित मयूर जाधव याला अटक केली. त्याच्याकडून हॉटेल महिंद्राचे बाकी असलेले एक लाख ८९ हजार ९५० रुपये हस्तगत केले. संशयित मयूर जाधव याला न्यायालयात हजर केले असता, कारागृहात रवानगी करण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
