Godri Kumbh Mela : योगी आदित्यनाथ यांच्यासह शिंदे, फडणवीस आज जिल्ह्यात; गोद्री कुंभात लावणार हजेरी

जळगाव/ जामनेर : हिंदू गोर बंजारा लभाना नायकडा समाज कुंभात सोमवारी (ता. ३०) उत्तर प्रदेशचे मुख्यमंत्री योगी आदित्यनाथ यांच्यासह राज्याचे मुख्यमंत्री एकनाथ शिंदे व उपमुख्यमंत्री देवेंद्र फडणवीस उपस्थित राहतील.

सोमवारी कुंभाचा समारोप होणार आहे. मुख्यमंत्री एकनाथ शिंदे, उपमुख्यमंत्री देवेंद्र फडणवीस, उत्तर प्रदेशचे मुख्यमंत्री योगी आदित्यनाथ, रामदेवबाबा व द्वारकापीठाचे शंकराचार्य सहभागी होणार आहेत. कुंभात महाराष्ट्र, कर्नाटक, मध्य प्रदेश, आंध्रप्रदेश, तेलंगणा, गुजरात आदी राज्यांतून लाखोंच्या संख्येने भाविक दाखल झाले आहेत. (Godri Kumbh Mela Yogi Adityanath along with Eknath Shinde Devendra Fadnavis today in district Will attend Godri Kumbh Jalgaon News)

हेही वाचा : ....इथं बनतो आपला लाडका तिरंगा

कर्नाटक, तेलंगणा येथूनही हजारोंच्या वाहनांनी लाखो भाविक कुंभस्थळी दाखल झाले आहेत. पंजाब, हरियाणा, युएसए येथूनही भाविक दाखल झाले आहेत. गोद्रीसह आसपासच्या परिसराला मोठ्या यात्रेचे स्वरूप आले असून, हजारो लोकांना रोजगार उपलब्ध झाला आहे.

सोमवारी सुमारे दोन लाखांपेक्षा अधिक भाविक कुंभस्थळी येण्याची शक्यता आहे. विशेष म्हणजे २५ जानेवारीला रात्री अवकाळी पाऊस होऊनही २६ ला बहुसंख्येने भाविक कुंभस्थळी आले होते.