जळगाव : रामेश्वर कॉलनीत राहणाऱ्या विवाहितेला घर घेण्यासाठी माहेरहून ३ लाख रुपये आणावे, यासाठी मारहाण व छळ केल्याप्रकरणी पतीसह ४ जणांविरोधात गुन्हा दाखल झाला आहे. (Harassment of married woman for 3 lakh rupees jalgaon Latest Marathi news)
एमआयडीसी पोलिसांनी दिलेल्या माहितीनुसार, शहरातील रामेश्वर कॉलनी येथील माहेरवाशीण रूपाली प्रशांत पाटील (वय २४) यांचा विवाह चोपडा तालुक्यातील तावसे खुर्द येथील प्रशांत जगन्नाथ पाटील यांच्याशी २ जानेवारी २०१८ रोजी झाला होता.
पती प्रशांत पाटील यांनी पुण्यात घर घेण्यासाठी ३ लाख रुपये माहेरहून आणावे, अशी मागणी केली होती. परंतु विवाहितेने पैसे न आणल्याने त्या रागातून पतीने तिला मारहाण करून छळ करण्यास सुरवात केली.
पैशांसाठी तिचे सासू, जेठ आणि जेठाणी यांनी देखील छळ केला. या छळाला कंटाळून विवाहिता माहेरी रामेश्वर कॉलनीत निघून आल्या. त्यानंतर एमआयडीसी पोलिस ठाण्यात धाव घेऊन तक्रार दिली.
त्यांच्या तक्रारीवरून पती प्रशांत जगन्नाथ पाटील, सासू निलाबाई पाटील, जेठ वसंत पाटील आणि जेठाणी पुनम वसंत पाटील (सर्व रा. तावसे खुर्द, ता.चोपडा) यांच्या विरोधात एमआयडीसी पोलिस ठाण्यात गुन्हा दाखल झाला आहे. तपास पोलिस नाईक संजय धनगर करीत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
