13 वर्षीय बालकाचा मृतदेह आढळला; पंधरा फूट खोल खाणीत बुडून मृत्यू

जळगाव : कुसुंबा (ता. जळगाव) येथील तेरा वर्षीय बालक शुक्रवार(ता. १५)पासून बेपत्ता झाला होता. एमआयडीसी पोलिसांत त्याच्या हरवल्याची नोंद करण्यात आली होती.

शनिवारी (ता. १६) गावापलीकडे उजाड कुसुंबा भागातील खोल खाणीत त्याचा मृतदेह आढळून आला आहे. (Body of 13 year old boy found Died by drowning in 15 feet deep mine jalgaon latest Marathi news)

रविवारी दुपारी उजाड कुसुंबा भागातील खाणीत मृतदेह आढळून आल्याने एकच खळबळ उडाली. पोलिस पाटील राधेशाम चौधरी यांनी कळवल्यानुसार एमआयडीसी पोलिस घटनास्थळावर दाखल झाले.

मृतदेह बाहेर काढल्यावर तो बेपत्ता सुमीत योगेश्वर न्हावी (वय १३) याचा असल्याची ओळख पटल्यावर कुटुंबीयांना कळवण्यात आले. कुटुंबीयांनी सुमितचा मृतदेह पाहताच एकच आक्रोश केला.

मृतदेह शवविच्छेदनासाठी जिल्हा रुग्णालयात आणल्यानंतर संध्याकाळी शवविच्छेदन करून कुटुंबीयांना सोपवण्यात आला. सुमीत हा मानसिक ताण-तणावात असल्याने यापूर्वीही तो घरातून निघून गेला होता, अशी माहिती पोलिसांनी दिली. या प्रकरणी एमआयडीसी पोलिसांत आकस्मिक मृत्यूची नोंद करण्यात आली आहे.