सबस्क्राईब करा
भुसावळ : येथील बाजारपेठ पोलिसांनी सराईत दुचाकी चोरट्यास अटक केली असून, त्याच्याकडून दीड लाख रुपये किमतीच्या पाच दुचाकी हस्तगत करण्यात आल्या आहेत. (Jalgaon Crime Suspect in police custody with 5 stolen bike)
शहरासह परिसरात दुचाकी चोरीचे प्रमाण कमालीचे वाढले असून, भुसावळ बाजारपेठ पोलिस ठाणे हद्दीत ४ मेस फिर्यादी भरत शालिग्राम बांडे (रा. विठ्ठल मंदिर वाॅर्ड, भुसावळ) यांच्या घरासमोरून ३० हजार रुपये किमतीची दुचाकी (बजाज प्लॅटिना : एमएच १९, डीएन ५३४९) चोरी झाल्याची तक्रार होती.
या दुचाकीच्या तपासाकामी बाजारपेठ पोलिस ठाण्याचे निरीक्षक गजानन पडघन यांच्या मार्गदर्शनाखाली पोलिस उपनिरीक्षक मंगेश जाधव, पोलिस उपनिरीक्षक विजय नेरकर, पोलिस कर्मचारी यासिन, सत्तार पिंजारी, महेश चौधरी, सोपान पाटील, राहुल वानखेडे, सचिन चौधरी, भूषण चौधरी, जावेद शहा यांचे पथक तयार करण्यात आले. (Latest marathi News)
या गुन्ह्यांच्या तपासात आरोपीचा शोध घेत असताना संशयित किरण उर्फ करण शालिग्राम पाटील (वय २५. रा. गजानन महाराज मंदिराजवळ, मुक्ताईनगर) हा या गुन्ह्यातील आरोपी भुसावळ बाजारपेठ पोलिस ठाणे हद्दीत आल्याची गोपनीय माहिती पथकाला मिळाल्याने त्याला रविवार (ता. ५) ताब्यात घेऊन त्याच्याकडे गुन्ह्यांसंबधी चौकशी केली असता त्याने विविध पोलिस ठाणे हद्दीतून पाच दुचाकी चोरी केल्याची कबुली दिली. या संशयिताच्या ताब्यातून चोरी केलेल्या १ लाख ५० हजार रुपये किमतीच्या पाच दुचाकी बाजारपेठ पोलिसांनी हस्तगत केल्या असून, तपास सुरू आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.