Jalgaon Crime News : पिंप्राळ्यात तरुणाची घरात आत्महत्या

जळगाव : पिंप्राळा येथील तरुणाने मंगळवारी (ता. १७) दुपारी चारच्या राहत्या घरात गळफास घेऊन आत्महत्या केली. राहुल लोटन पाटील (वय २९), असे मृत तरुणाचे नाव आहे. आत्महत्येचे कारण समजू शकले नाही.

पिंप्राळा येथे राहुल पाटील परिवारासह वास्तव्याला होता. राहुल हा दादावाडी येथील गुजराल पेट्रोपपंपाजवळील महिंद्रा शो रूममध्ये नोकरीला होता.(Jalgaon Crime update Youth commits suicide at home in Pimprala Jalgaon Crime News)

आर्थिक निर्णय घेताना बनू नका चिंतातूर जंतू....

मंगळवारी दुपारी चारला घरात कुणीही नसताना त्याने राहत्या घरात गळफास घेऊन आत्महत्या केली. आई-वडील घरी आल्यावर हा प्रकार लक्षात आला. मुलाचा मृतदेह पाहून

आई व वडीलांना एकच हंबरडा फोडला. त्यांची आक्रोश ऐकून शेजारी मदतीला धावून आले. शेजारी राहणाऱ्या नातेवाइकांनी त्याला तातडीने खाली उतरवून जिल्हा शासकीय रुग्णालयात दाखल केले.

तेथे वैद्यकीय अधिकारी डॉ. दीपक जाधव यांनी त्यास मृत घोषित केले. याबाबत रामानंदनगर पोलिस ठाण्यात आकस्मिक मृत्यूची नोंद झाली आहे. मृताच्या पश्चात आई, वडील आणि मोठा भाऊ असा परिवार आहे.