Jalgaon Lok Sabha Constituency : 'ड्राय डे' पाळा! अन्यथा परवाने होतील कायमचे रद्द

पहूर : लोकसभा सार्वत्रिक निवडणूक २०२४ कार्यक्रमानुसार जळगाव जिल्ह्यातील जळगाव आणि रावेर लोकसभा मतदारसंघात १३ मेस मतदान होणार आहे. निवडणूक प्रक्रिया खुल्या, भयमुक्त वातावरणात पार पाडण्यासाठी संपूर्ण जळगाव जिल्ह्यात मतदान कालावधी संपण्याच्या ४८ तास अगोदरपासून ते मतदान संपेपर्यंत जिल्ह्यातील मद्यविक्री पूर्णत: बंद ठेवण्याचे आदेश जिल्हाधिकारी आयुष प्रसाद यांनी दिले आहेत. (Jalgaon stop sale of liquor in district in election duration)

निवडणूक कालावधीत मतदान संपण्याच्या वेळेपूर्वी ४८ तासापासून म्हणजेच ११ मे २०२४ रोजीच्या सायंकाळी सहापासून, मतदानापूर्वीचा एक दिवस म्हणजेच १२ मे २०२४ आणि १३ मेस मतदान प्रक्रिया संपेपर्यंत मद्यविक्री बंद राहील. (latest marathi news)

या आदेशाचे बंद कालावधीत उल्लंघन करुन मद्य विक्री करीत असल्याचे आढळून येणाऱ्या संबंधित परवानाधारकांचे परवाने कायमस्वरुपी रद्द करण्यात येतील, असे राज्य उत्पादन शुल्क विभागाने कळविले असून, पहूर पोलिस ठाण्याचे निरीक्षक सचिन सानप यांनी मद्यविक्री दुकानांवर वर 'वॉच' ठेवला आहे.