जळगाव जिल्ह्यात नव्या बाधितांचा उद्रेक

जळगाव, ता. १५ : जिल्ह्यात शनिवारी (ता. १५) पुन्हा तब्बल ३७७ नवे कोरोना रुग्ण आढळून आले. तर ४६ रुग्ण कोरोनामुक्त(Corona free) झालेत. त्यामुळे आता सक्रिय रुग्णांची संख्या १८४६ झाली आहे. जिल्ह्यात कोरोनाची तिसरी लाट (COVID-19 third wave) दररोज वाढती रुग्णसंख्या घेऊन आली आहे. शनिवारी प्राप्त १६४७ पैकी ३७७ अहवाल पॉझिटिव्ह आले.

जिल्ह्यात १८४६ रुग्ण सक्रिय असून त्यापैकी आता ९५ रुग्ण लक्षणे असलेले आहेत, तर ११ रुग्ण सध्या ऑक्सिजन वर आहेत. उर्वरित १७५१ रुग्ण लक्षणे विरहित आहेत.

जळगाव, भुसावळात उद्रेक सुरूच जिल्ह्यात जळगाव शहर, भुसावळ हॉटस्पॉट ठरत आहे. आजही या दोन्ही ठिकाणी शंभरावर रुग्ण सापडले. जळगावात १५५, भुसावळ तालुक्यात १४४ नव्या बाधितांची नोंद झाली.

असे आढळले रुग्ण

जळगाव ग्रामीण ९, अमळनेर १३, चोपडा १५, भड़गाव ७, यावल व जामनेर प्रत्येकी २, एरंडोल व रावेर प्रत्येकी ३, चाळीसगांव २०, पाचोरा, पारोळा व धरणगाव प्रत्येकी १.