Jalgaon Educational Update : अभियांत्रिकीच्या परीक्षा पुढे ढकलल्या

जळगाव : कवयित्री बहिणाबाई चौधरी उत्तर महाराष्ट्र विद्यापीठाच्या अभियांत्रिकी पदवीच्या द्वितीय वर्ष तिसऱ्या सत्राच्या नियमित विद्यार्थ्यांच्या १ डिसेंबरपासून सुरू होणाऱ्या परीक्षा पुढे ढकलण्यात आल्या आहेत.

तर तिसऱ्या सत्रातील पुनर्परीक्षार्थींच्या परीक्षा पूर्वनियोजित वेळापत्रकाप्रमाणे होणार आहेत. अभियांत्रिकी पदवीच्या द्वितीय वर्षाच्या तिसऱ्या सत्राची नियमित विद्यार्थ्यांची परीक्षा दोन वेळा होणार असल्यामुळे ही परीक्षा पुढे ढकलावी, अशी मागणी विद्यार्थी संघटनांनी निवेदनाद्वारे विद्यापीठाकडे केली होती. (Jalgaon Educational Update Engineering exams postponed Jalgaon News)

त्या अनुषंगाने विद्यापीठाने ही परीक्षा पुढे ढकलण्याचा निर्णय घेतला असून, या परीक्षेच्या तारखा नंतर कळविण्यात येतील.

मात्र, तिसऱ्या सत्रातील पुनर्परीक्षार्थींच्या परीक्षा पूर्वनियोजित वेळापत्रकाप्रमाणे होणार आहेत, अशी माहिती परीक्षा व मूल्यमापन मंडळाचे प्रभारी संचालक प्रा. दीपक दलाल यांनी दिली.