Jalgaon Crime News : अल्पवयीन मुलीकडे बळजबरी प्रेमाची मागणी; तिघांविरोधात पोस्को कायद्यानुसार गुन्हा दाखल

अमळनेर : अल्पवयीन मुलीला बोलावून बळजबरीने प्रेम केले नाही, तर भावाला काहीही करून टाकू, अशी धमकी देणाऱ्या तालुक्यातील पिंपळी येथील तिघांविरुद्ध पोस्को कायद्यानुसार गुन्हा दाखल झाला आहे. पिंपळी येथील सातवीत जाणारी १२ वर्षांची मुलगी २९ एप्रिलला सायंकाळी साडेसातला ओट्यावर बसली असताना.

भावेश हनुमंत महाजन (वय १८) व इतर दोन विधीसंघर्ष बालके गल्लीतून जात असताना, भावेशने तिला माझ्या मागे ये, म्हणून बोलावले. मुलीने हा प्रकार आईवडिलांना सांगितला. वडिलांनी तिला त्यांच्यासोबत जायला सांगितले. मुलगी एकाच्या गुदामाजवळ गेली.

तेव्हा भावेश तिला ‘मी तुझ्यावर प्रेम करतो, माझे प्रपोज ऍक्सेप्ट कर नाही, तर मी तुझ्या भावाला काहीही करेल’, अशी धमकी दिली. दोघी अल्पवयीन मुलांनी ‘तू त्याचे प्रपोज ऍक्सेप्ट कर’, असे मुलीला सांगितले. (latest marathi news)

मुलीच्या वडिलांनी हे ऐकल्यावर मुलीला घरी पाठविले. नंतर तिघांनी मुलीच्या वडिलांशी वाद घातले. यापूर्वीही मुलगी शिवमंदिरात जात असताना, तिघे मंदिरावर बसले असायचे, म्हणून मुलीने मंदिरात जाणे बंद केले होते.

याबाबत मुलीच्या आईने दिलेल्या फिर्यादीवरून तिघांविरुद्ध पोस्को कायद्यानुसार गुन्हा दाखल झाला आहे. पोलिस उपनिरीक्षक भय्यासाहेब देशमुख तपास करीत आहेत.