सबस्क्राईब करा
Jalgaon Gold Silver Rates Hike : येत्या १० मेस अक्षयतृतीया आहे. या पार्श्वभूमीवर सोने पुन्हा महागले आहे. सोन्याच्या दरात ४५० रुपयांची, तर चांदीच्या दरात दोन हजारांची वाढ झाली आहे. गामी काळात किमान दोन महिने तरी लग्नसराई नाही. दुसरीकडे सोने, चांदीच्या दर गगनाला पोचल्यामुळे सोने, चांदीच्या मागणीत काहीशी घट झाली आहे. यामुळे सात दिवसांपूर्वी सोन्याच्या दरात १८०० रुपयांची, तर चांदीच्या दरात तीन हजारांची घट झाली होती. (Jalgaon Gold expensive again in wake of Akshaya Tritiya)
सोन्याचा दर २० एप्रिलला ७६ हजार १४ रुपये होता, तर चांदीनेही ८६ हजार ५२० प्रतिकिलोचा टप्पा गाठला होता. यामुळे सोने, चांदीचे दागिने विकत घेणे सर्वसामान्यांच्या आवाक्याबाहेर झाले. गुढीपाडव्याला सोन्याचा दर जीएसटीसह ७४ हजार ३६६ रुपयांवर होता. चांदीच्या दरातही तीन हजारांची वाढ होऊन चांदी ८५ हजार ३८७ रुपयांवर आली होती.
सोन्यातील दरवाढीचा परिणाम गुढीपाडव्याला ग्राहकांच्या खरेदीवर दिसून आला. गुढीपाडव्याचा मुहूर्त असतानाही सोने खरेदीत निम्म घट झाली होती. यामुळे सुवर्ण बाजारातील उलाढालीवर परिणाम झाला होता. आता आगामी दोन महिने लग्नसराई नाही. यामुळे सोन्याची मागणी घटली आहे. यामुळे सोने, चांदीचे दर सात दिवसांपूर्वी घसरले होते.
३० एप्रिलला सोन्याचा दर जीएसटीसह ७४ हजार १६० प्रतितोळा, तर चांदी जीएसटीसह ८३ हजार ४३० प्रतिकिलो होती. दहा दिवसांपूर्वी सोन्याचे दर ७६ हजार १४ (प्रतितोळा), तर चांदी ८६ हजार ५२० (प्रतिकिलो जीएसटीसह) होते. सोन्यात १८००, तर चांदीत तीन हजार रुपयांची झालेल्या घटीने ग्राहकांमध्ये समाधान व्यक्त होत आहे. आज मात्र सोन्याच्या दरात ४५० रुपयांची वाढ होऊन सोने जीएसटीसी ७३ हजार ७९९ रुपयांवर पोचले, तर चांदी जीएसटीसह ८५ हजार ४९० पर्यंत पोचली आहे.
तारीख--सोने (प्रतितोळा)--चांदी (प्रतिकिलो)
२९ मार्च : ६८ हजार २००--७६ हजार
२ एप्रिल : ६८ हजार ७००--७७ हजार
३ एप्रिल : ६९ हजार ४००--७८ हजार
५ एप्रिल : ७० हजार ६००--८१ हजार
८ एप्रिल : ७१ हजार ८००--८३ हजार
९ एप्रिल : ७१ हजार २००--८२ हजार
१२ एप्रिल : ७३ हजार--८४ हजार
१८ एप्रिल : ७३ हजार ३००--८४ हजार
२० एप्रिल : ७३ हजार ८००--८४ हजार
२६ एप्रिल : ७२ हजार ३००--८२ हजार
३० एप्रिल : ७२ हजार--८१ हजार
४ मे : ७१ हजार २००--८१ हजार
७ मे : ७१ हजार ६५०--८३ हजार
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.