Jalgaon News : शहरातील रस्त्यांची जिल्हाधिकाऱ्यांकडून तपासणी; रस्त्यांच्या गुणवत्तेचे यांत्रिक परीक्षण

Jalgaon News : जिल्हा नियोजन समिती निधीतून शहरात झालेल्या रस्त्यांची जिल्हाधिकारी आयुष प्रसाद यांनी पाहणी करीत, अभियांत्रिकी महाविद्यालयाच्या प्राध्यापकांकडून गुणवत्ता तपासणी केली. रस्ते झालेल्या गल्लीतील लोकांशी संवाद साधला. महापलिका आयुक्त डॉ. विद्या गायकवाड, सहायक नियोजन अधिकारी राहुल इधे, महानगर पालिकेचे अभियंत्यासह कर्मचारी उपस्थित होते. (jalgaon Inspection of city roads by Collectors)

जिल्हाधिकारी आयुष प्रसाद यांनी पाहणी दरम्यान, एका भाजी विक्रेत्याला थांबविले, त्याला नाव, गाव, किती वर्षापासून भाजी विकतो हे विचारून, या ठिकाणी रस्ता झाल्यामुळे तुझ्या जीवनात काय फरक पडला विचारले. त्यावेळी तो म्हणाला ' मी इथे नियमित भाजीचा गाडा घेऊन येतो, पूर्वी गाडा ढकलून थकून जायचो.

आता या नवीन गुळगुळीत रोडवर थकवा जाणवत नाही. रात्री शांत झोप लागते ' असा अभिप्राय त्यांनी दिला. एका निवृत्त नागरिकाने, पूर्वी रस्त्यावरून मोठी गाडी गेली पार घरात धुरळा यायचा आता नवीन रस्ता झाल्या पासून धुळ नाही त्यामुळे आरोग्यदायी वाटतं आहे अशी प्रतिक्रिया दिली. (latest marathi news)

एक ठिकाणी नालीच्या कडेची जागा सुटलेली असल्याने तिथे महापालिकेला पेव्हरब्लॉक लावायला सूचना दिल्या. रस्त्याच्या नावाचे फलक लावून रस्त्यावर पांढऱ्या पट्या मारण्याच्या सूचना दिल्या.

गुणवत्तेची तपासणी

जिल्हाधिकाऱ्यांनी रस्त्याची मजबुती यंत्राद्वारे मोजून त्यावर समाधान व्यक्त केले. चांगले आणि मजबूत रस्ते हे शहराच्या भौतिक सुविधेतील अत्यंत महत्त्वाचा भाग आहे. तें चांगलेच झाले पाहिजेत म्हणून आपण स्वतः हे रस्ते पाहण्यासाठी आल्याचे जिल्हाधिकारी यांनी सांगितले.