Jalgaon Lok Sabha Election 2024 : प्रचाराच्या तोफा आज थंडावणार! जळगाव, रावेरसाठी सोमवारी मतदान

Lok Sabha Election 2024 : शनिवारी सायंकाळी सहानंतर आता कोणाही उमेदवाराला जाहीररित्या प्रचार करता येणार नाही
 Lok Sabha Election
Lok Sabha Electionesakal

Jalgaon Lok Sabha Election 2024 : जळगाव आणि रावेर लोकसभा मतदारसंघात सुरू असलेल्या प्रचारामुळे निवडणुकीची उत्सुकता शिगेला पोहोचली आहे. या जाहीर प्रचाराची सांगता शनिवारी (ता. ११) सायंकाळी सहाला होणार आहे. शनिवारी सायंकाळी सहानंतर आता कोणाही उमेदवाराला जाहीररित्या प्रचार करता येणार नाही. (Jalgaon Lok Sabha Election 2024 Campaign will stop today)

जिल्ह्यातील जळगाव आणि रावेर मतदारासंघातील महायुती विरुद्ध महाविकास आघाडी यांच्या लढतीत जाहीर प्रचाराने जोरदार रंगत आणली. जळगाव लोकसभा मतदारसंघातून महायुतीच्या माजी आमदार स्मिता वाघ विरुद्ध महाविकास आघाडीचे करण पाटील-पवार, तर रावेर मतदारसंघात महायुतीकडून विद्यमान खासदार रक्षा खडसे यांच्याविरुद्ध महाविकास आघाडीचे श्रीराम पाटील यांच्यात लढत होत आहे. रावेर मतदारसंघात वंचित बहुजन आघाडीचे उमेदवार संजय ब्रह्मणे यांनी महाविकास आघाडीची डोकेदुखी वाढविली आहे. जळगाव आणि रावेर मतदार संघासाठी येत्या सोमवारी (ता. १३) मतदान होणार आहे.

सभांनी राजकीय वातावरण तापले

लोकसभा निवडणुकीनिमित्त जळगाव जिल्ह्यात राष्ट्रवादी काँग्रेस शरदचंद्र पवार पक्षाचे अध्यक्ष शरद पवार, शिवसेना (उबाठा) पक्षप्रमुख उद्धव ठाकरे, राज्याचे उपमुख्यमंत्री देवेंद्र फडणवीस, केंद्रीय मंत्री नितीन गडकरी यांच्या प्रचार सभा झाल्या. या प्रचार सभांनी जिल्ह्यातील राजकीय वातावरण चांगलेच तापले. सभांमधून आरोप-प्रत्यारोपांच्या फैरी झडल्या. त्यामुळे निवडणुकीतील रंगत वाढली.

यंत्रणा सज्ज

जिल्ह्यात मतदान प्रक्रियेसाठी यंत्रणा सज्ज झाली आहे. मतदान केंद्रांची निर्मिती झाली असून, तेथे वीज, पाणी, पंखे यांची व्यवस्था करण्यात येत आहे. सोबतच आरोग्य मदत केंद्र, पाळणा घराची व्यवस्था करण्यात आली आहे. जिल्ह्यात एकूण ३८ लाख १५ हजार ७९६ मतदार आहेत. (Jalgaon Political News)

 Lok Sabha Election
Nitin Gadkari Jalgaon Daura : देशात रामराज्य, शिवशाही आणण्याचे ध्येय : नितीन गडकरी

मतदारसंघनिहाय मतदार असे

जळगाव लोकसभा मतदारसंघ

*पुरुष मतदार : १० लाख ३७ हजार ३५०

*महिला मतदार : ९ लाख ५६ हजार ६११

*किन्नर मतदार : ८५

*एकूण मतदार : १९ लाख ९४ हजार ४६

रावेर लोकसभा मतदारसंघ

*पुरुष मतदार : ९ लाख ४१ हजार ७३२

*महिला मतदार : ८ लाख ७९ हजार ९६४

*किन्नर मतदार : ५४

*एकूण मतदार : १८ लाख २१ हजार ७५०

----------

*एकूण मतदार केंद्रे : ३ हजार ८८६

*वेब कास्टिंग होणारे केंद्रे : २ हजार २८८

*कर्मचारी नियुक्ती : २० हजार

 Lok Sabha Election
Lok Sabha Election: 'त्या' रात्री PDCC बँक सुरू ठेवणं मॅनेजरला भोवलं; निवडणूक आयोगाने घेतली मोठी अ‍ॅक्शन

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com