जळगाव : जिल्ह्यातील अकरा तालुक्यांत नव्या रुग्णांची दिवसभरातील संख्या दहाच्या आत नोंदली गेली. शुक्रवारी प्राप्त अहवालानुसार १५८ नवे बाधित आढळून आले, तर ६२९ जणांना दिवसभरात डिस्चार्ज मिळाला. (coronavirus-update-no-more-ten-patient-elevan-taluka)
जळगाव जिल्ह्यात कोरोनाचा संसर्ग (Jalgaon coronavirus update) आटोक्यात येत असल्याची चिन्हे आहेत. एप्रिल व मे महिन्यातील लॉकडाऊनचे (Lockdown) सकारात्मक परिणाम दिसून येत आहेत. शुक्रवारी साडे आठ हजार चाचण्यांचे अहवाल प्राप्त झाले. पैकी १५८ नवे बाधित आढळन आले असून एकूण रुग्णसंख्या १ लाख ४० हजार ६०४ झाली आहे. दिवसभरात नव्या बाधितांपेक्षा चौपट (Coronavirus) म्हणजे तब्बल ६२९ रुग्ण बरे झाले. बरे होणाऱ्यांचा आकडा १ लाख ३४ हजार २२७पर्यंत पोचला आहे. गेल्या २४ तासांत ४ रुग्णांचा मृत्यू झाला असून एकूण बळींची संख्या २५४८वर पोचली आहे.
गंभीर रुग्ण घटले
बरे होणाऱ्या रुग्णांची संख्याही बऱ्यापैकी वाढत असल्याने सक्रिय रुग्णसंख्या कमी झाली आहे. लक्षणे असलेले केवळ ८१३ रुग्ण असून लक्षणे नसलेल्या रुग्णांची संख्या ३ हजार १६, म्हणजे एकूण सक्रिय रुगण आता ४ हजारांच्या आत आहेत. पैकी ४३६ ऑक्सिजनवरील व २२२ आयसीयूतील असे गंभीर रुग्ण आहेत.
असे आढळले रुग्ण
जिल्ह्यातील १५ पैकी ११ तालुक्यांमध्ये शुक्रवारी दहापेक्षा कमी रुग्णसंख्येची नोंद झाली.
असे आढळले रुग्ण : जळगाव शहर १८, जळगाव ग्रामीण ३, भुसावळ ७, अमळनेर १, चोपडा २, पाचोरा४, भडगाव ७, यावल ४, एरंडोल २०, जामनेर ६, पारोळा २, चाळीसगाव ४५, मुक्ताईनगर ४, बोदवड १३.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
