जळगाव : भाजपतर्फे काँग्रेस प्रदेशाध्यक्ष नाना पटोले यांच्या प्रतिमेचे दहन

जळगाव : भारतीय जनता पक्ष महानगरतर्फे कॉंग्रेसचे प्रदेशाध्यक्ष नाना पटोले यांच्या प्रतिमेचे दहन करण्यात आले. कॉंग्रेस प्रदेशाध्यक्ष नाना पटोले यांनी पंतप्रधान नरेंद्र मोदी यांच्याबाबत आक्षेपार्ह विधान केले, भाजप महानगरतर्फे त्याचा निषेध करण्यात आला.(Congress State President Nana Patole Combustion of images)

महानगराध्यक्ष दीपक सूर्यवंशी यांच्या नेतृत्वाखाली बळीराम पेठ येथील भारतीय जनता पक्षाच्या कार्यालयापासून नाना पटोलेंच्या निषेधार्थ घोषणा देत कार्यकर्ते घाणेकर चौकात पोहोचले. या ठिकाणी पटोले यांच्या पुतळ्याला जोडे मारो आंदोलन करण्यात आले, तसेच त्यांच्या पुतळ्याचे दहन करण्यात आले. यावेळी पदाधिकारी व कार्यकर्ते मोठ्या संख्येने उपस्थित होते.