जळगाव : पाचोरा पालिकेच्या प्रभागांतील आरक्षण सोडत जाहीर

पाचोरा : येथील पालिकेच्या प्रभागांची आरक्षण सोडत राज्य निवडणूक आयोगाच्या आदेशानुसार, पालिका सभागृहात आज दुपारी काढण्यात आली. प्रांताधिकारी डॉ. विक्रम बादल पीठासन अधिकारी म्हणून होते. पालिकेच्या १४ प्रभागातून प्रत्येकी दोन याप्रमाणे २८ सदस्य संख्या यापूर्वीच निश्चित करण्यात आली होती. त्यानुसार आरक्षण काढण्यात आले. गो. से. हायस्कूलच्या पाचवीतील देवांश महाजनव सहावीतील गीत महाजन यांच्याहस्ते चिठ्ठी काढण्यात काढण्यात आली.

प्रभाग निहाय आरक्षण असे ः प्रभाग १ (अ)- अनुसूचित जाती महिला, (ब)- सर्वसाधारण, प्रभाग २ (अ)- अनुसूचित जाती महिला, (ब)- सर्वसाधारण, प्रभाग ३ (अ)- सर्वसाधारण महिला, (ब)- सर्वसाधारण, प्रभाग ४ (अ)- सर्वसाधारण महिला, (ब)- सर्वसाधारण, प्रभाग ५ (अ)- सर्वसाधारण महिला, (ब)- सर्वसाधारण, प्रभाग ६ (अ)- अनुसूचित जमाती, (ब) सर्वसाधारण महिला, प्रभाग ७ (अ)- अनुसूचित जाती, (ब)- सर्वसाधारण महिला, प्रभाग ८ (अ)- सर्वसाधारण महिला, (ब) सर्वसाधारण, प्रभाग ९ (अ)- सर्वसाधारण महिला, (ब)- सर्वसाधारण, प्रभाग १० (अ)- सर्वसाधारण महिला, (ब)- सर्वसाधारण, प्रभाग ११ (अ)- सर्वसाधारण महिला, (ब)- सर्वसाधारण, प्रभाग १२ (अ)- सर्वसाधारण महिला, (ब)- सर्वसाधारण, प्रभाग १३ (अ)- सर्वसाधारण महिला, (ब)- सर्वसाधारण प्रभाग १४ (अ)- सर्वसाधारण महिला, (ब)- सर्वसाधारण. असे आरक्षण निघाले. या आरक्षण सोडतीवर हरकती व सूचनांसाठी १५ ते २१ जून दरम्यानचा कालावधी दिला आहे. यावेळी मुख्याधिकारी तथा प्रशासक शोभा बाविस्कर, उपमुख्याधिकारी दगडू मराठे, प्रशासकीय अधिकारी प्रकाश भोसले यांच्यासह शिवसेनेचे मुकुंद बिल्दीकर, गणेश पाटील, किशोर बारावकर, मनोज पाटील, प्रवीण ब्राह्मणे, भूषण पेंढारकर, राष्ट्रवादी काँग्रेसचे अजहर खान, ॲड. अविनाश सुतार आदी उपस्थित होते.