जळगाव : रावेरमधील १२ ग्रामपंचायतींची ५ जूनला पोटनिवडणूक

१३ ते २० मेपर्यंत उमेदवारी अर्ज दाखल करण्यात येतील
Jalgaon Raver By election of 12 Gram Panchayats 5th June
Jalgaon Raver By election of 12 Gram Panchayats 5th Junesakal

रावेर : तालुक्यातील १२ ग्रामपंचायतींच्या १३ जागांसाठी ५ जूनला पोटनिवडणुका होत आहेत. अर्ज दाखल करण्यास १३ मेपासून सुरवात होणार आहे. रावेर तालुक्यातील १२ ग्रामपंचायतींच्या १३ जागांसाठी पोटनिवडणूक होत आहे. १३ ते २० मेपर्यंत उमेदवारी अर्ज दाखल करण्यात येतील. यात सुट्टी वगळून अर्ज दाखल करता येतील. अर्जाची छाननी २३ मेस, अर्ज माघारी अंतिम तारीख २५ मे, चिन्हवाटप व लढणाऱ्या उमेदवारांची अंतिम यादी २५ मेस प्रसिद्ध होईल व ५ जूनला मतदान, तर ६ जूनला मतमोजणी होईल.

ग्रामपंचायत निहायप्रभाग क्रमांक, आरक्षण व निवडणूक निर्णय अधिकारी असे : धूरखेडा- प्रभाग २ (सर्वसाधारण), निंभोरासीम- प्रभाग ३ (अनुसूचित जाती), खिर्डी बुद्रुक- प्रभाग १ (अनुसूचित जमाती), कोळोदा- प्रभाग १ (अनुसूचित जमाती), कोळोदा- प्रभाग ३ (अनुसूचित जमाती महिला), खिर्डी खुर्द- प्रभाग २ (सर्वसाधारण), बलवाडी- प्रभाग ३ (अनुसूचित जाती) या सात जागांच्या पोटनिवडणुकीसाठी खर्डीचे मंडलाधिकारी एम. बी. तडवी, अभोडा बुद्रुक- प्रभाग १ (अनुसूचित जमाती) निवडणूक निर्णय अधिकारी- वाय. आय. तडवी, मंडलाधिकारी रावेर, चिनावल- प्रभाग ६ (सर्वसाधारण) निवडणूक निर्णय अधिकारी- जे. डी. बंगाळे मंडलाधिकारी खिरोदा, मोरगाव खुर्द- प्रभाग ४ (अनुसूचित जमाती), निवडणूक निर्णय अधिकारी- व्ही. डबल्यू. पाटील, मंडलाधिकारी खानापूर, तासखेडा- प्रभाग १ (अनुसूचित जमाती), उदळी खुर्द- प्रभाग १ (अनुसूचित जमाती महिला), उदळी बुद्रुक- प्रभाग १ (अनुसूचित जाती) निवडणूक निर्णय अधिकारी म्हणून पी. आर. वानखेडे असतील, अशी माहिती प्रभारी तहसीलदार तथा निवासी नायब तहसीलदार संजय तायडे यांनी दिली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com