Jalgaon News : अखेर सचिनचा मृतदेह सापडला! महामार्गालगत पोद्दारशाळे शेजारील नाल्यात आला वाहून

Jalgaon News : २० तासानंतर थेट सचिन मृतदेह पाहायला मिळाल्याने त्याच्या आईवडिलांनी मन हेलावणारा आक्रोश केला.
Rescue team personnel descending into the drain.
Rescue team personnel descending into the drain.esakal

Jalgaon News : खंडेरावनगर परिसरात खेळतांना नाल्यात पडलेला चेंडू घेण्यासाठी उतरलेला सहावर्षीय सचिन राहुल पवार याचा मृतदेह तब्बल २० तासांनी राष्ट्रीय महामार्गावरील पोद्दार शाळेजवळील नाल्यात अडकलेला आढळून आला. २० तासानंतर थेट सचिन मृतदेह पाहायला मिळाल्याने त्याच्या आईवडिलांनी मन हेलावणारा आक्रोश केला. (Jalgaon sachin body finally found Flowing into stream)

प्रवाहाच्या दिशेने शोध

रविवारी (ता. ७) सकाळी सातच्या सुमारास पुन्हा नाल्याच्या विविध भागांमध्ये प्रवाहाच्या दिशेने आणि विरुद्ध दिशेने पुन्हा सचिनचा शोध घेण्यासाठी कार्य सुरू झाले. महापालिका अग्निशमन दल, परिसरातील तरुण, पट्टीचे पोहोणाऱ्यांची मदत घेण्यात आली. सकाळी दहाच्या सुमारास सचिनचा मृतदेहाचा शोध घेण्यात पोलिस नाईक जितेंद्र राजपूत, उमेश पवार यांच्या पथकाला यश आले.

महामार्गाजवळच पोतदार शाळेच्या कंपाउंडला लागून नाल्यात थर्माकोल आणि काडीकचऱ्यात सचिनचा मृतदेह अडकला होता. महापालिका कर्मचारी व काही तरुणांनी नाल्यात उतरून मृतदेह बाहेर काढला. मृतदेहाला शासकीय वैद्यकीय महाविद्यालय व रुग्णालयात नेले. याबाबत रामानंदनगर पोलिस ठाण्यात आकस्मिक मृत्यूची नोंद झाली आहे. डोळ्यादेखत हसता खेळता मुलगा काळाच्या पडद्याआड गेल्याने रडून रडून कुटुंबीयांचे बेहाल झाले आहेत. (latest marathi news)

Rescue team personnel descending into the drain.
Chhatrapati Sambhajinagar Crime : उद्यानात नशा करण्यास विरोध केल्याने टोळक्याने घरात घुसून वॉचमनला भोसकले

या पथकाने घेतला शोध

शोध व बचाव कार्यासाठी रामानंदनगर पोलिस ठाण्याचे निरीक्षक राजेंद्र कुटे यांच्या पथकातील जितेंद्र राजपूत, इम्रान मलिक, उमेश पवार, नीलेश पाटील, विनोद सूर्यवंशी, रेवानंद साळुंखे, अजय सपकाळे, कमलाकर राजहंस, जुलालसिंग परदेशी, जिल्हा आपत्ती व्यवस्थापन विभागाचे रवींद्र भोई, दीपक महाले, गोकुळ सुतार, जगदीश बैरागी, योगेश गालफाडे, सीताराम पवार, ज्ञानेश्वर भालेराव, दुर्गेश पवार, सुपडू माळी, भगवान माळी, महापालिकेचे अधिकारी कांबळे आदींच्या पथकाने शोधकार्यात सहभागी झाले होते.

Rescue team personnel descending into the drain.
Nagpur Cyber Crime : कधी शेअर तर कधी टास्कचे आमिष; दररोज वीस जणांची सायबर फसवणूक

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com