Jalgaon Crime News : घराचे कुलूप तोडून 3 लाखांचे दागिने लंपास

Materials stolen by thieves in Ishwar Vanjari's house and thrown away.
Materials stolen by thieves in Ishwar Vanjari's house and thrown away. esakal

Jalgaon Crime News : बंद घराच्या दरवाजाचे कुलूप तोडून अज्ञात चोरट्यांनी सुमारे तीन लाख रुपये किमतीचे सोन्याचे दागिने लंपास केल्याची घटना मध्यरात्रीच्या सुमारास गांधीपुरा भागातील न्यू लक्ष्मी नगर येथे घडली.

दरम्यान, शहरात चोरीच्या घटनांमध्ये वाढ झाल्याने नागरिकांमध्ये भीतीचे वातावरण पसरले आहे. चोरट्यांना पकडण्याचे आव्हान पोलिसांसमोर आहे. दोन दिवसांपूर्वीच मोबाईलचे दुकान फोडून अज्ञात चोरट्यांनी सुमारे तीन लाखांचे मोबाईल चोरून नेले होते. (Jewellery worth 3 lakhs were looted robbery jalgaon crime news)

याबाबत माहिती अशी, गांधीपुरा भागातील न्यू लक्ष्मी नगरातील रहिवासी ईश्वर पंडीत वंजारी हे काही दिवसांपासून जळगाव येथील महाबळ परिसरातील विवेक कॉलनी येथे वास्तव्यास आहेत. गुरुवारी (ता. ६) सकाळी ईश्वर वंजारी यांचा मुलगा सौरभ हा एरंडोल येथील घरी आला.

घराची साफसफाई करून घराला कुलूप लावून सायंकाळी साडेसहाच्या सुमारास जळगावला आला. मध्यरात्रीच्या सुमारास अज्ञात चोरट्यांनी घराचे कुलूप तोडून घरातील लाकडी कपाट तोडून त्यातील सुमारे तीन लाख रुपयांचे

सोन्याचे दागिने लंपास केले. आज पहाटे सहाच्या सुमारास या भागातील रहिवासी अजय मराठे यांना घराचा दरवाजा उघडा असल्याचे दिसून आले. त्यांनी त्वरित ईश्वर वंजारी यांना मोबाईलवरून कळवले. त्यानुसार, ईश्वर वंजारी एरंडोल येथे घरी आले असता, घरातील सर्व साहित्य अस्त्यावस्त दिसून आले.

हेही वाचा : Credit Card फसवणूक....काय घ्याल काळजी?

Materials stolen by thieves in Ishwar Vanjari's house and thrown away.
Jalgaon Crime News : साप दाखवतो सांगून धरला हात; मुलीच्या विनयभंग प्रकरणी गुन्हा दाखल

घरातून ३५ ग्रॅमची सोन्याची पोत, वीस ग्रॅमच्या बांगड्या, पंधरा व पाच ग्रॅमची सोन्याची अंगठी व इतर दागिने असा सुमारे तीन लाखांचा ऐवज चोरट्यांनी चोरुन नेला. या दागिन्यांची बिले न सापडल्यामुळे पोलिसात केवळ पाच ग्रॅम सोने चोरीची नोंद करण्यात आली आहे. याबाबत ईश्वर वंजारी यांनी दिलेल्या तक्रारीवरून अज्ञात चोरट्याविरोधात गुन्हा दाखल करण्यात आला असून पोलिस निरीक्षक सतीश गोराडे यांच्या मार्गदर्शनाखाली हवालदार अनिल पाटील तपास करीत आहेत.

दरम्यान, शहरात दोनच दिवसांपूर्वी प्रमुख मार्गावरील शेतकी संघाच्या व्यापार संकुलातील मोबाईलच्या दुकानातून तीन लाखांच्या १९ मोबाईलसह रोख रक्कम लंपास केली होती. दोन दिवसात या दोन मोठ्या चोऱ्या झाल्याने नागरिकांमध्ये भीती पसरली आहे. चोरट्यांचा शोध घेण्याची मागणी होत आहे.

Materials stolen by thieves in Ishwar Vanjari's house and thrown away.
Dhule Crime News : धुळे हादरले! हातमजूर विवाहितेवर सामूहिक अत्याचार

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com