जळगाव - जिल्हा क्रीडा संकुलातील जलतरण तलावाचा पूर्वीचा ठेकेदाराने ३० वर्षीय विवाहितेस कामावर ठेऊन नंतर लग्नाचे आमिष दाखवून वारंवार तिच्यावर अत्याचार केला. पीडितेचे फोटो सोशल मीडियावर व्हायरल करण्याचे 'ब्लॅकमेलिंग' केले..तीसवर्षीय पीडिता एप्रिल २०२४ मध्ये सहावर्षीय मुलासह जिल्हा क्रीडा संकुलात जलतरण शिकण्यासाठी आली होती. तेथील ठेकेदार राहुल सूर्यवंशी याने तिला आठ हजार रुपयांवर महिला प्रशिक्षक म्हणून कामावर ठेवले. १५-२० दिवस काम केल्यावर संशयिताने तिच्याशी जवळीक साधण्याचा प्रयत्न केला. सुरुवातीला पीडितेने कामामुळे दुर्लक्ष केले, मात्र संशयिताचा त्रास अधिकच वाढत गेला..पीडितेचे पतीसोबत वाद सुरू असल्याची माहिती संशयित राहल सूर्यवंशीला कळताच त्याने स्वतःहून मदतीचा आव आणला. घटस्फोट मिळवून देण्याच्या बहाण्याने त्याने पीडितेला २१ जून २०२४ ला रिंग रोडवरील एका वकिलाच्या रिकाम्या घरात बोलावले आणि तिच्यावर अत्याचार केला. घडलेल्या प्रकारानंतर, 'तुझा घटस्फोट झाल्यावर आपण लग्नच करू', असे खोटे आश्वासन देत त्याने पीडितेची समजूत काढली आणि तिची फसवणूक केली..विवाहित असताना तिसरी सोबतहीराहुल सूर्यवंशीचे लग्न झालेले असताना, त्याचे पीडितेच्या एका मैत्रिणीसोबतही प्रेमसंबंध असल्याचे उघड झाले. यामुळे पीडितेने लग्नाला नकार देत त्याला रेकॉर्डिंग दाखविले. संतापलेल्या राहुलने तिला बेदम मारहाण केली. हा प्रकार सांगण्यासाठी पीडिता त्याच्या घरी गेली असता, राहुलचे वडील विजय सूर्यवंशी, कविता तायडे आणि दुर्गा सूर्यवंशी यांनीही तिला शिवीगाळ करून मारहाण केली. पीडितेने दिलेल्या तक्रारीवरून संशयित राहुल सूर्यवंशी बाच्याविरुद्ध जिल्हापेठ पोलिसांत गुन्हा दाखल झाला आहे. उपनिरीक्षक संजय भांडारकर तपास करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
