अमळनेर (जळगाव) : हावडा एक्सप्रेस (Hawda express) रेल्वेगाडीने प्रवास करीत असलेल्या इसमाचा कोरोना (Coronavirus) सदृश्य आजाराने गाडीतच मृत्यू झाला. सदर इसमाचा मृतदेह अमळनेर स्थानकावर उतरवून संपूर्ण कोच सॅनिटायझेशन करून त्यानंतर गाडी पुढे रवाना करण्यात आली. (Amalner railway station hawda express corona death)
हावडा अहमदाबाद एक्सप्रेस (क्रमांक ०२८३३) या गाडीने अब्दुल मलिक नावाचे इसम मंगळवारी (ता.४) सहकुटुंब प्रवास करीत असताना नंदुरबार ते अमळनेर प्रवासात त्यांची प्रकृती अचानक खालावली. त्यांना जीव घाबरण्याचा त्रास होऊ लागला, त्यांच्या कुटुंबीयांनी रेल्वे विभागास ही माहिती दिल्यानंतर त्यांच्याकडून अमळनेर रेल्वे विभागाच्या हेल्थ युनिटला स्थानकावर अलर्ट राहण्याच्या सूचना देण्यात आल्या.
तपासणीत मृत झाल्याचे आढळले
अमळनेर रेल्वे स्थानकावर वैद्यकिय अधिकारी डॉ. किरण बडगुजर व त्यांचे सोबत वरिष्ठ औषध निर्माता किरण शिंदे व रजनीश कुमार हे उपस्थित झाले. गाडी स्थानकावर आल्यानंतर डॉ. बडगुजर यांनी तपासले असता सदर व्यक्ती मयत झालेली आढळून आले. यामुळे सदर मृतदेह पुढील कार्यवाहीसाठी उतरवून अमळनेर ग्रामिण रुग्णालयात पाठविण्यात आला. यानंतर सफाई कर्मचारी संतोष नन्नवरे यांनी संपूर्ण कोचवर सॅनिटायझर फवारणी करून निर्जंतुकीकरण केले आणि त्यानंतर ही गाडी पुढे रवाना करण्यात आली. यावेळी स्टेशन अधिक्षक एस. के. रॉय व इतर कर्मचाऱ्यांचे सहकार्य मिळाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
