म्‍हणूनच मी खडसेंच्या घरी गेलो : फडणवीस

जळगाव : विरोधी पक्षनेते देवेंद्र फडणवीस (Devendra Fadnavis) हे आज जळगाव जिल्‍ह्‍यातील मुक्‍ताईनगर, रावेर तालुक्‍यातील नुकसानीची पाहणी दौऱ्यावर असताना ते कोथळी येथील खडसेंच्या घरी गेले. यामुळे सर्वत्र चर्चा रंगली. परंतु, खडसेंच्या घरी का गेले? याबाबत फडणवीस यांनी स्‍पष्‍ट केले. (jalgaon-news-Devendra Fadnavis-went-to-Khadse-house)

एकनाथराव खडसे यांनी राष्‍ट्रवादीत (Eknath khadse ncp leader) प्रवेश केल्‍यानंतर विरोधी पक्षनेते देवेंद्र फडणवीस यांचा जिल्‍ह्‍यात प्रथमच दौरा झाला. मुक्‍ताईनगर तालुक्‍यात नुकसानीचा पाहणी दौऱ्यावर असताना फडणवीस हे प्रथम खडसेंच्या घरी गेले. याबाबत रंगलेल्‍या चर्चेबाबत फडणवीस यांनी स्‍पष्‍ट करताना सांगितले, की खासदार रक्षा खडसे (BJP mp raksha khadse) या भाजपच्या खासदार असून त्‍यांनी घरी चहासाठी बोलाविले असल्‍याने खडसेंच्या घरी गेल्‍याचे त्‍यांनी स्‍पष्‍ट केले.

मराठा आरक्षणाबाबत सर्वांनी एकत्र यावे

मराठा आरक्षणाबाबत सर्व पक्षांनी एकत्र यायला हवे. या विषयी सरकारने आम्‍हाला चर्चेसाठी बोलाविले तर नक्‍कीच जाणार आणि पुर्ण सहकार्य राहणार. यात कोणत्‍याही प्रकारचे राजकारण करायचे नाही. मात्र कोणी राजकारण करत असेल तर त्‍यास उत्‍तर देणार असल्‍याचे त्‍यांनी सांगितले. तसेच पक्षाच्या विरोधात कोणत्‍याही प्रकारची भुमिका संभाजीराजे यांनी मांडली नसल्‍याचे देखील त्‍यांनी यावेळी स्‍पष्‍ट केले.